काठमाडाैं मंसिर २६,
इजरायलले सिरियाली नौसैनिक जहाजमा आक्रमण गरेको पुष्टि गरेको छ । असद सरकारको बिदाइपछि सिरियाको सैन्य शक्तिलाई ‘निष्प्रभावी’ गर्न हमला गरिरहेको इजरायलले बताएको छ ।
बीबीसीले लताकिया बन्दरगाहमा भएको विस्फोटको भिडियो प्रमाणित गरेको जनाएको छ । भिडियोमा जहाज र बन्दरगाहका केही भागमा ठूलो क्षति पुगेको देखिएको समाचारमा उल्लेख छ ।
इजरायली सेनाले पनि आफ्नो लडाकु विमानले सिरियामा ३५० भन्दा बढी लक्ष्यमा आक्रमण गरेको बताएको छ ।
यसअघि बेलायतस्थित सिरियन अब्जर्भेटरी फर ह्युमन राइट्स (एसओएचआर)ले विद्रोहीहरूले असद सरकारलाई सत्ताबाट हटाएदेखि इजरायलले सिरियामा ३१० भन्दा बढी हवाई आक्रमण गरेको बताएको थियो।
गत हप्ता तत्कालीन सिरियाली राष्ट्रपति बसर अल-असद सिरियाबाट भागेर रसिया गएका थिए । त्यसपछि विद्रोहीहरूले राजधानी दमास्कस कब्जा गरेका छन् ।
तपाईको प्रतिक्रिया
सम्बन्धित समाचार
