‘मैले बारम्बार आयोजकसग बुझ्ने प्रयास गरेँ । तर, हामीले प्रतिस्पर्धामा लगाउने पोशाकसमेत कुन भन्ने थाहा पाउन सकेनौं,’ सनमले आरोप लगाइन् । सहभागी प्रतिस्पर्धीले उपाधि दावेदारलाई शीर्ष १५ बाटै बाहिर राखेर आयोजकले आफू अनुकूललाई च्याम्पियन बनाएकोसमेत आरोप लगाए ।

शनिबार भएको प्रतियोगितामा झापाका उमेश राईले १६औं धर्मश्रीको उपाधि जितेका थिए । एनआरके फिटनेशका राईले झापा ग्यालेक्सी फिटनेशका ललित धिमाललाई पछि पार्दै १० लाख पुरस्कार प्राप्त गरे । धिमाल दोस्रो हुँदा कृष्णबहादुर सूर्यवंशी तेस्रो भए । दुबैले क्रमशः पाँच लाख र दुई लाख रुपैयाँ पाए ।

यस्तै धर्मश्रीकै दौरान पहिलो पटक आयोजना गरिएको पुरुष तथा महिला फिजिकको पुरुषतर्फ आयोजक नेपाल व्यायाम मन्दिरका आश्वत स्थापित र महिलातर्फ द फिटनेश टेम्पल भक्तपुरकी जासमिन लामा विजयी भए । विजयी दुबैले दुई लाख प्राप्त गरे ।-न्युज कारखाना