रसुवा, १४ साउन
रसुवा जिल्लाको उत्तरगया गाउँपालिका – २ र ३ मा पर्ने डाँडागाउँमा रहेको मैलुङ्ग झरनामा आन्तरिक पर्यटकको घुइँचो लागेको छ ।
दुई वर्ष अघिसम्म भांगे झरनाको नामले चिनिएको झरनाको कतै चर्चा थिएन । चलनचल्तीको रुपमा भाङ्गे झरनाको नामले चिनिएपनि पछिल्लो समयमा मैलुङ्ग झरनाको नामले सामाजिक सञ्जालमा भइरल भएपछि उक्त झरना हेर्न र रमाउन आउनेको भीड लागेको हो । झट्ट तलबाट माथि हेर्दा बाहुबली फिल्ममा देखाइने झरना जस्तै भएकाले यस झरनालाई बाहुबली झरना पनि भनिन्छ ।
काठमान्डौ देखी करिब ७० किलोमिटर अर्थात करिब ३ घन्टा बाइकमा जादा पुगिन्छ । जुन त्रिसुली नदी मुनी बाट बगेको छ भने मैलुङ्ग माथी पट्टी अबस्थीत छ । गर्मी बढे सगै मान्छेको भिड बढ्ने गरेको स्थानिय बताउछन । अन्य दिनहरुमा भन्दा शनिवार अत्याधिक भिड हुने गरेको छ । रात विताउन केहि होम स्टेको व्यवस्था भएपनि प्रयाप्त रहेको छैन । लोकल खसी, कुखुरा, खोलाको माछा लगाएत आर्गानीक खानेकुराको परिकार पाइन्छ ।
स्थानीय पर्यटन व्यवसायी शशि लामिछानेका अनुसार झरनाको सुन्दरता हेर्न दिनहुँ मानिसहरु आउने गर्दछन् । बिदाको दिन भने झरना हेर्नेको भिड थामिनसक्नु हुने गरेको छ । झरना हेर्न काठमाडौंदेखि आएका प्रभु कार्कीले भने, टिकटकमा झरना देखेपछि घुम्न आएका हौं । झरना हेर्न छिमेकी जिल्ला नुवाकोट, काठमाडौं, ललितपुर, भक्तपुर, धादिङ, चितवन, गोर्खा, मकवानपुर लगायतबाट पनि आउने भरेका छन। झरना हेर्न पुग्ने धेरैजसो युवायुवतीहरु पौडी खेल्ने, झरनामा नुहाउने, टिकटक बनाउने, फोटो खिच्ने, भिडियो बनाउने गर्छन् ।
यो झरना बेत्रावती–मैलुङ–स्याफ्रुबेंसी सडक खण्डमा पर्दछ । झरना बेत्रावति बजारबाट करिब ५ किमिको दुरीमा उत्तरतर्फ पर्दछ । झरनाको पर्यटन प्रवर्द्धन गर्न उत्तरगया गाउँपालिकाले पूर्वाधार विकासको लागि बजेट छुट्याएर काम गरेको छ ।
मैलुङ्ग झरना जती सुन्दर छ त्यो अनुसार बस्न खान होटल, कटेज, होमस्टेको अभाव भएको र एउटा भएको कटेज होमस्टे सम्म जानको लागि धेरै पैदल दुरीमा रहेको हुनाले आन्तरीक तथा बाह्य पर्यटक भित्राउन गाउपालिकाले थप व्यवस्थित तथा प्रचारप्रसारको व्यवस्थापन गर्नुपर्ने आन्तरिक पर्यटक प्रभु कार्कीले बताए ।
