काठमाडौं वैशाख २९,
दाङको घोराही उपमहानगरपालिका–१४, आर्मी ब्यारेकनजिक बसको ठक्करबाट मोटरसाइकल चालकको मृत्यु भएको छ । रोल्पाको रुन्टीगढी गाउँपालिका–३ का अन्दाजी २१ वर्षीय चन्द्रबहादुर नेपालीको मृत्यु भएको हो ।
ठक्करबाट गम्भीर घाइते भएका उनको उपचारका क्रममा घोराहीस्थित राप्ती स्वास्थ्य विज्ञान प्रतिष्ठानमा मृत्यु भएको प्रहरीले जनाएको छ ।
रा१ख १२०१ नम्बरको बसले नेपाली सवार रा३प ४२ नम्बरको मोटरसाइकललाई हिजो साँझ करिब ६ बजे ठक्कर दिएको थियो । दुवै सवारीसाधन र बस चालकलाई स्थानीय प्रहरीले नियन्त्रणमा लिएको छ ।
