काठमाडौं, मंसिर १३-
नेपाल एसिसी मेन्स यू-१९ प्रिमियर कप २०२५ को फाइनलमा पुगेको छ। शनिबार युएईमा भएको सेमिफाइनलमा मलेसियामाथि ९ विकेटको जित निकाल्दै नेपाल उपाधि नजिक पुगेको हो। फाइनलमा पुगेसँगै नेपाल यू-१९ एसिया कपमा समेत पुगेको छ।
नेपालले मलेसियाले दिएको ५२ रनको झिनो लक्ष्य ७.५ ओभरमा पूरा गर्यो। नेपालको जितमा वंशी क्षेत्रीले नटआउट २३ रन र निश्चल क्षेत्रीले नटआउट १५ रन बनाए। ओपनर निरज यादव भने ४ रनमा आउट भएका थिए। त्यसअघि टस जितेको नेपालले फिल्डिङ रोजेपछि पहिले ब्याटिङ गरेको मलेसिया १७.२ ओभरमा ५१ रनमै अलआउट भयो।
