चितवन, ४ चैत
पब्लिक क्याम्पस प्राध्यापक संघ नेपाल, माडी क्याम्पस इकाई समितिले माडी क्याम्पसको पठनपाठन अनिश्चितकालिन बन्द गरेको छ ।
तलब बृद्धिको माग गर्दै आज आइतबारदेखि क्याम्पसको पठनपाठन बन्द गरिएको हो । क्याम्पसमा कार्यरत प्राध्यापक तथा कर्मचारीहरुले हातमा कालो पट्टी र कालो झण्डा गाडेर धर्ना बसिरहेका छन् ।
न्यून तलबमा काम गरेका प्राध्यापक कर्मचारीहरुको सेवा सुविधा कटौती गर्ने निर्णय फिर्ता लिनुपर्ने, तलब स्केल न्यूनतम मावि द्वितीय श्रेणीको शिक्षक सरह कायम हुनुपर्ने, क्याम्पसमा गरिने निर्णयहरु क्याम्पसको विधान तथा क्याम्पस सञ्चालन कार्यविधिभित्र रही गर्नुपर्ने लयायतको माग राखी ध्यानाकर्षण पत्र बुझाउँदा समेत सुनुवाई नभएको भन्दै समितिले पठनपाठन ठप्प पारि बिरोध जनाएको हो ।
शिक्षकहरुको माग पूरा नभएसम्म क्याम्पसकाे पठनपाठन बन्द रहने समितिले जनाएको छ ।
