–हिरालाल आचार्य ‘डायमण्ड’
चितवन, ६ फागुन
चितवनका किसानहरु सडकमा दुध पोखेर आन्दोलनमा उत्रिएका छन् ।
उत्पादित दुधले बजार नपाएको र बिक्री भएको दुधको पनि भुक्तानि दुग्घ उद्योगहरुबाट नपाइएको भन्दै किसानहरु आन्दोलित बनेका हुन् ।
चितवन जिल्ला दूध उत्पादक सहकारी संघको आह्वानमा जिल्लाका विभिन्न सहकारीबाट आन्दोनका किसानहरुको प्रतिनिधित्व रहेको थियो ।
उनीहरुले सडकमा प्रदर्शन गर्दै जिल्ला प्रशासन कार्यालयमा ज्ञापन पत्र बुझाएका छन् । त्यसपछि किसानहरु फेरि सडकमा नारा लगाउँदै केन्द्रिय बस टर्मिनल चोकमा पुगेर दुध पोखेका हुन् ।
दुध बिक्री हुन छाडेको र दुध बिक्री बापतको पैसा पनि महिनौँसम्म नपाएपछि किसान सडकमा दुध फाल्न बाध्य भएको चितवन जिल्ला दुध उत्पादक सहकारी संघका अध्यक्ष किशोर बगालेले बताए । दुध बेचेको पैसा लामो समयसम्म पनि नपाएपछि किसान समस्यामा परेको उनले बताए । अध्यक्ष बगालेका अनुसार किसानलाई बैंकको ब्याज तिर्न र गाईभैँसीको दाना–चोकर खुवाउन समेत कठिनाइ हुन् थालेको छ ।
साउन महिनादेखि किसानहरुले बिक्रि गरेको दुधको भुक्तानी दुध विकास संस्थान र निजी डेरी उद्योगहरुबाट करिब ५२ करोड रुपैयाँ लिन बाँकी रहेको बगालेले जानकारी दिए ।
हेरौं फोटोफिचर :
