चितवन, १६ साउन
नारायणगढ–मुग्लिन सडकखण्ड अन्तर्गत भरतपुर–२९ को गाईघाटमा ट्रक र मोटरसाइकलको ठक्करबाट एक जनाको मृत्यु भएको छ भने एक घाइते भएका छन्।
मुग्लिनबाट नारायणगढतर्फ आउँदै गरेको ना ६ ख ५६४२ नं. को ट्रक र बिपरित दिशाबाट जाँदै गरेको लु ३८ प ६५७० नम्बरको मोटरसाइकलको ठक्करबाट सो दुर्घटना भएको हो ।
दुर्घटनामा मोटरसाइकल चालक पाल्पा मस्याङ्ग ४ बस्ने सरोज दर्लामीको भरतपुर सरकारी अस्पतालमा उपचारको क्रममा मृत्यु भएको हो । उनको शव भरतपुर अस्पतालमा रहेको छ ।
त्यसैगरी मोटरसाइकलमा सवार पाल्पा घर बताउने ३४ वर्षीय चेतन आले गम्भीर घाईते भई नयाँ मेडिकल कलेज भरतपुरमा उपचारको लागि पठाइएको प्रहरीले जनाएको छ ।
दुबै सवारीसाधनसहित ट्रक चालक पर्सा सकुवा गाउँपालिका –१ बस्ने वर्ष ४० वीरबहादुर लामालाई प्रहरीले नियन्त्रणमा लिएको चितवन प्रहरीले जनाएको छ ।
तपाईको प्रतिक्रिया
सम्बन्धित समाचार
