बुटवल असार २८,
पहिरोले बुटवल–पाल्पा सडकखण्ड अवरुद्ध भएको छ ।
सिद्धार्थ राजमार्ग अन्तर्गत पाल्पाको तिनाउ गाउँपालिका–३ स्थित माथिल्लो सिद्धबाबा मन्दिर नजिकै बिहीवार दिउँसो पहिरो झरेपछि सडक अवरुद्ध भएको हो ।
सडक माथिबाट ढुंगासहितको पहिरो झरेपछि सडक अवरुद्ध भएको जिल्ला प्रहरी कार्यालय पाल्पाका प्रहरी निरीक्षक भुपेन्द्र थापाले जानकारी दिए ।
पहिरो हटाउने काम शुरु भए पनि सवारी सञ्चालन हुन केही समय लाग्ने दोभान प्रहरी चौकीले जनाएको छ । सडक अवरुद्ध भएपछि सिद्धार्थ राजमार्ग हुँदै बुटवलबाट पाल्पा, गुल्मी, अर्घाखाँची, स्याङ्जा, पोखरा लगायतका स्थानमा जाने र आउने सवारी साधन बीच बाटोमै रोकिएका छन् ।
बुटवल–पाल्पा सडकखण्डको यो क्षेत्रमा हरेक वर्षायाममा निरन्तर पहिरो बग्दै आएको छ । पहिरो झरिरहने भएकाले बुटवलदेखि झुम्सासम्मको सडकलाई असुरक्षित मानिन्छ
तपाईको प्रतिक्रिय
सम्बन्धित समाचार
