ज्ञापन पत्र बुझ्दै सहायक सिडिओ चिरञ्जिवी शर्माले आगामी आइतबारसम्म नेविसंघ वार्तामा आएर सहमति नगरे प्रशासनले ताला फुटालिदिने आश्वासन विद्यार्थीहरुलाई दिए ।

क्याम्पस प्रमुख मिलन सुवेदीले विद्यार्थीहरुले पूरा गर्नै नसकिने माग राखेर तालाबन्दी गरेकाले वार्ता सफल हुन नसकेको बताए । स्ववियु निर्वाचन खारेज गराई पुनः निर्वाचन गराउनुपर्ने, क्याम्पस प्रमुखले राजीनामा दिनुपर्ने माग राख्दै नेविसंघ आन्दोलनमा उत्रिएको छ ।

स्वास्थ्य सम्बन्धि एउटा माग पूरा गरेपनि विद्यार्थीहरुले तालाबन्दी नखोेलेपछि प्रशासनको सहयोग मागिएको उनको भनाइ छ । प्रशासनले पनि उपचुनावको कारण देखाउँदै समयमै सहयोग नगर्दा विद्यार्थीहरुलाई परीक्षामा सहभागी गराउन नसिकएको उनले बताए । राजनीतिक विषय भएका कारण कसैले पनि केही गर्न नसकेको उनको भनाइ छ ।

नेविसंघका सभापति आशिष देवकोटाले आफूहरुको माग पूरा हुनुपर्ने बताए । मेरो आफ्नै पनि परीक्षा रोकिएको बताउँदै उनले यो आफूहरुको बाध्यता भएको बताए । उनले क्याम्पस प्रमुखको वर्खास्ती र स्ववियु निर्वाचन पुनः हुनुपर्ने बताए ।