माडी, असोज २४-
चितवन-३ का प्रतिनिधीसभा उम्मेदवार डा. भोजराज अधिकारीले चुनावी माहोल बनाउने क्रम सुरु गरेका छन् ।
पाँचदलीय गठबन्धनबाट चितवन-३ का प्रतिनिधीसभा उम्मेदवार डा. भोजराज अधिकारीले आज सोमबार माडीबाट चुनाबी भेटघाट सुरु गरेका हुन् ।
डा. अधिकारीसंगै गठबन्धनबाट प्रदेशसभा उम्मेदवार ठाकुर प्रसाद ढकालले पनि गठबन्धन दलका माडीका नेताहरुसंग पहिलो चुनाबी भेट गरेका हुन् ।
भेटमा नेपाली काँग्रेसका नेताहरु शोभाखर चापागाईं, कोमलनाथ भुषाल, शिवराम गुरौ, सुर्यनाथ अधिकारीस माओवादी केन्द्रका नेताहरु डण्डपाणी पौडेल, ऋषिराम काफ्ले, प्रभु महतोस नेकपा (एकीकृत समजवादी)का माडी नगर अध्यक्ष पुरन महतो, ओवनाथ पाण्डे लगायतको सहभागिता रहेको थियो ।
भुसालको १९औं स्मृति दिवसका सन्दर्भमा माओवादी केन्द्रले पार्कमा आयोजना गरेको भुसाल स्मृति सभामा उम्मेदवारद्वय दिवाकर पार्कस्थित दिवाकर भुसालको शालिकमा पुगी माल्यार्पण गरेका छन् ।
