एमसीसीको विरोधमा चितवनको सडकमा उत्रिए विद्यार्थीहरु (फोटो/भिडियोसहित)

चितवन, फागुन १२ –
अमेरिकी सहयोग परियोजना एमसीसी सम्झौता संसदमा पेश भएको विरोधमामा चितवनमा विद्यार्थीहरुले प्रदर्शन गरेका छन् ।

आज बिहीबार दिउँसो विद्यार्थीहरुले सीडीओ कार्यालय घेराउसहित एमसीसीको खारेजको माग गर्दै नाराबाजी गरेका हुन् । एमसीसी खारेजी संयुक्त संघर्ष समिति चितवनको आयोजनामा भएको प्रदर्शनमा विद्यार्थीहरु विद्यालय पोसाकमै उपस्थिति भएका थिए ।

चौबिसकोठीबाट सुरु भएको विरोध प्रदर्शनको ¥याली अस्पताल रोड, मालपोत चोक, बाइपास रोड हुँदै सीडीओ कार्यालयमा पुगेर कोण सभा भएको थियो ।विद्यार्थीहरुले नो एमसीसी, रिजेक्ट एमसीसी, एमसीसी खारेज गर, एमसीसी चाहिँदैन देश बेच्न पाइँदैन, गो ब्याक अमेरिका लगायतका नारा लगाएका थिए ।