चितवन, साउन १६ –
नारायणी नदीमा पानीको सतह बढ्दै गएको छ । केही दिनदेखि परेको निरन्तर वर्षाका कारण नारायणी नदीको बहाब बढ्दै गएको हो ।
नारायणी नदीको देवघाटस्थित बाढी मापन केन्द्रले पानीको सतह बढ्दै गएको जनाएको छ । नदीको सतहले अहिलेसम्म खतराको तह भने पार गरिसकेको छैन ।
नदीमा पानीको सतह बढ्दो क्रममा रहेकाले चितवन तथा नवलपरासीको नारायणी नदीको तटिय क्षेत्रमा उच्च सर्तकता अपनाउन जल तथा मौसम विज्ञान विभाग र प्रशासनले आग्रह गरेको छ ।
नारायणीको बाढीको असर भरतपुर महानगरपालिका १६,२७ र २८ मा र नवलपरासीको गैंडाकोट, गण्डक लगायतका विभिन्न क्षेत्रमा वर्षेनी पर्दै आएको छ ।
हेर्नुहोस्, चितवन आजका प्रमुख संवाददाता हिरालाल आचार्य ‘डायमण्ड’ ले आज सोमबार साँझ ५ बजेको आसपासमा खिचेको तस्विर र भिडियो ।
तपाईको प्रतिक्रिया
सम्बन्धित समाचार