– चितवन आज Chitwan Aaja संवाददाता
चितवन, जेठ ७ –
चितवनमा रहेको शैक्षिक परामर्शदाता सेन्ट्रल कलेज अफ भोकेशनल ट्रेनिङ् प्रालिले थप दुई वटा बस सञ्चालनमा ल्याएको छ ।
कलेजका प्रिन्सिपल एवम् समाजसेवी यज्ञ विलास पौडेल (वाइवी) ले पुनः दुई नयाँ बस थप गरेर चितवन र नवलपुरका सबै पालिकामा बस सेवा उपलब्ध गराइएको जानकारी दिए ।
यसअघि कलेजको दुई वटा बस सञ्चालनमा थिए । कलेजका ४ वटै बसले विद्यार्थीलाई निःशुल्क सेवा प्रदान गर्नेछ । कलेजको आफ्नै बसबाट आवतजावत गर्दा समयको बचत हुने भएकाले विद्यार्थीको सहजताका लागि बसहरु थपिएको पौडेलले बताए । बस सेवा सञ्चालन गर्ने शैक्षिक परामर्श दाता नेपालमा सेन्ट्रल कलेजमात्र भएको पौडेलले जानकारी दिए ।
सेन्ट्रल कलेजले उच्च शिक्षा अध्ययनका लागि जापान, अष्ट्रेलिया, क्यानडा, युके, युएसए लगायतका देशमा जान चाहने विद्यार्थीलाई परामर्श दिनुका साथै विभिन्न भाषागत कक्षाहरु पनि सञ्चालन गर्दै आइरहेको छ । साथै नेपालमै केही गर्न चाहनेहरुका लागि पनि कलेजले उचित परामर्श दिँदै आइरहेको छ ।
सेन्ट्रल कलेजले वर्षेनी उत्कृष्ट नतिजा हासिल गर्दै आइरहेको छ । जापानसँगै अष्ट्रेलिया, क्यानडा र यूरोपका देशहरुमा पनि विद्यार्थीले धमाधम भिजा प्राप्त गरिरहेको प्रिन्सिपल पौडेलले चितवन आजलाई जानकारी दिए ।
भरतपुरमा मुख्य कार्यालय रहेको कलेजले जापानको नागोया सहरमा आफ्नै कार्यालय समेत संचालन गरिरहेको छ ।
कलेजले नारायणगढको लायन्सचोकमा आफ्नै भवन निर्माण गरेको छ । उक्त भवनबाट अब छिट्टै सेवा दिन सुरु गरिने प्रिन्सिपल पौडेलले जानकारी दिए । नवलपुरको कावासोती र चितवनको टाँडीमा पनि भवन निर्माण भइरहेको छ ।
सामाजिक उत्तरदायित्व पूरा गर्ने संस्थामा सेन्ट्रल कलेज अग्र स्थानमा छ । चितवनसहित नवलपुरको खेलकुदको विकासमा कलेजले अतुलनीय योगदान पुर्याउँदै आएको छ । यसका साथै अन्य सामाजिक संघसंस्थाहरुलाई कलेजले सामाजिक कार्य गर्नका लागि सहयोग गर्ने गरेको छ । तसर्थ पछिल्लो समय सेन्ट्रल कलेजका प्रिन्सिपल वाइवी चर्चित समाजसेवीका रुपमा परिचित हुँदै गएका छन् ।
सेन्ट्रल कलेजको बस चितवनका अधिकांश क्याम्पस, विद्यार्थी संगठन र कक्षाहरुले समयसमय निःशुल्क प्रयोग गर्ने गरेका छन् ।
