चितवन, फागुन ७ –
चितवनको खैरहनीमा सोनीलाफाकप खुल्ला भलिवल प्रतियोगिता एवम् सांस्कृतिक कार्यक्रम सुरु भएको छ ।
सोनीलाफा युवा क्लवको २९ औं वार्षिकोत्वसको अवसरमा एकल ब्यानरमा आयोजित सोनीलाफाकप खुल्ला भलिवल प्रतियोगिता एवम् सांस्कृतिक कार्यक्रम आजबाट सुरु भएको हो ।
कँकाली डाँडाको फेदिमा सुरु भएको कार्यक्रम ४ दिनसम्म चल्ने छ । कार्यक्रममा २० भन्दा बढी टिमबीच भलिवल खेल प्रतियोगितासहित विभिन्न सांस्कृतिक कार्यक्रमहरु हुनेछन् ।
भलिवल प्रतियोगिताको आज खैरहनी नगरपालिका प्रमुखले उद्घाटन गरे । उद्घाटन कार्यक्रममा बोल्दै उनले सोनीलाफा युवा क्लवले भलिवल खेलको विकासमा लामो समयदेखि योगदान पुर्याउँदै आएको स्मरण गरे । आफू बाल्यअवस्थामा हुँदा पनि यही ठाउँमा आएर सोनीलाफा युवा क्लवद्वारा आयोजित भलिबल प्रतियोगिता हेर्ने गरेको स्मरण गर्दै उनले यस कार्यक्रमलाई सदैव निरन्तरता दिइरहन क्लवलाई आग्रह गरे । यस भलिवल प्रतियोगितामा नगरपालिकाले सक्दो सहयोग गर्ने उनको भनाइ छ । नगरपालिका भलिवल खेलको विकास गर्नतर्फ लागिरहेको उनले बताए ।
क्लवका अध्यक्ष शेरबहादुर आले मगरले प्रतियोगिताको प्रथम हुनेलाई नगद ५० हजार रुपैयाँसहित ट्रफि र मेडल प्रदान गरिने छ । त्यसैगरी दोश्रो र तेश्रो हुनलाई क्रमशः नगद ३० हजार र १५ हजारसहित ट्रफि र मेडल प्रदान गरिने छ ।
