काठमाडौँ, २२ माघ
अवैधरुपमा बाह्य मुलुकतर्फ लैजान लागेको २५ हजार अमेरिकी डलरसहित चिनियाँ नागरिक पक्राउ परेका छन् । पक्राउ पर्नेमा २९ वर्षीय सीयूआई विङक्यान छन् । विमानस्थलको अन्तर्राष्ट्रिय उडानतर्फको प्रस्थान ह्याण्ड ब्यागेज चेकिङ एरियामा जाँच गर्ने क्रममा विङक्यानलाई प्रहरीले पक्राउ गरेको हो ।
उनलाई प्रहरीको त्रिभुवन अन्तराष्ट्रिय विमानस्थलस्थित सुरक्षा टोलीले बाह्य मुलुकतर्फ लैजान लागेको एक सय दरका दुई सय ५० थान अमेरिकी डलरसहित पक्राउ गरी आज सार्वजनिक गरेको हो ।
उनलाई थप अनुसन्धान तथा कारबाहीका लागि पुल्चोकस्थित राजस्व अनुसन्धान विभागमा पठाइएको प्रहरीले जनाएको छ ।
