चितवन, बैशाख २८ –
धारिलो हतियार प्रहार गरी हत्या गरिएका नेपाली काङ्ग्रेसका बागमती प्रदेश प्रतिनिधि अनिल परियारको अन्त्येष्टि गरीएको छ । स्थानीय प्रशासन र पिडित पक्ष बिच सहमती भए पछि मंगलबार साँझ अन्त्येष्ठी गरिएको हो ।
प्रमुख जिल्ला अधिकारी अस्मान तामाङ्का अनुसार पिडितलाई राहतका लागि गृहमन्त्रालय लेखि पठाउने, शबको व्यवस्थापन गर्ने, अभियुक्तको यथाशिघ्र खोजी गर्ने र घटना पछि भएका कृयाकलापहरु नियन्त्रण गर्ने सहमती भएको हो । यससंगै भरतपुर अस्पतालको शब गृहमा रहेको परियारको शब परिवारले दाहासंस्कार गरेका हुन । परियारको आईतबार साँझ अबेर भरतपुर महानगरपालिका वडा नम्बर ७ कृष्णपुरमा हत्या भएको थियो ।
बागमती प्रदेशका मन्त्री मिलनबाबु श्रेष्ठको उपस्थितिमा सहमती भएको हो । श्रेष्ठले राहत तत्काल दिलाउनका लागि प्रधानमन्त्री शेरवहादुर देउवा संग आँफुले कुराकानी गरेको बताउनुभयो । स्थानीय प्रशासनले दोसीलाई पक्राउ गरी कारवाही गर्नु पर्ने माग आँफ्नो रहेको बताउनुभयो । नेपाली काङ्ग्रेस चितवनले हत्यारालाई तत्काल पक्राउ गरी कारवाही गर्न र सहिद घोषणा गर्न माग गरेको छ । जिल्ला सभापति राजेश्वर खनालले सहिद घोषणाका लागि पार्टीको केन्द्रमा लेखि पठाउने बताउनुभयो ।
हत्यामा संलङ्न भएकाहरुको पहिचान भएको र खोजि कार्य जारी रहेको प्रहरीले जनाएको छ । हत्या पछि नेपाली काङ्ग्रेस र तीनका भातृ संगठनले बिरोध प्रदर्शन गर्दै आएका थिए ।
