चितवन, भदौ ३० –
शैक्षिक परामर्शको क्षेत्रमा ब्राण्ड बनेको नारायणगढको सेन्ट्रल कलेजले बधाई, सम्मान तथा अन्तरक्रिया कार्यक्रम सम्पन्न गरेको छ । कलेजले अक्टोबर इन्टेक २०२३ मा सिओइ तथा भिजा प्राप्त गरेका विद्यार्थी तथा कक्षा १२ को परीक्षा उत्तिर्ण विद्यार्थीहरुलाइ बधाई तथा सम्मान गरेको हो ।
आज भरतपुरमा आयोजित उक्त कार्यक्रममा युवा क्लबहरुलाई खेल सामाग्री हस्तान्तरण र सामाजिक संघसंस्थासँग अन्तरक्रिया समेत गरिएको छ । कार्यक्रममा ९९ वटा क्लबलाई खेल सामग्री फुटबल सहयोग गरिएको थियो ।
सेन्ट्रल कलेजका प्रिन्सिपल यज्ञ विलास पौडेल (वाइवी)ले सामाजिक संघसंस्थाहरुलाई अघि बढाउन सेन्ट्रल कलेज सदैव सकरात्मक रहेको बताए । खेलकुद तथा सामाजिक कार्य गर्ने संघसंस्था तथा क्लबहरुको आवश्यकता समाजमा रहेको बताउँदै यस्ता संस्थालाई जोगाइरहन व्यावसायिक संस्थाहरुले सहयोग गर्नुपर्ने उनको धारणा थियो ।
जापान, अष्ट्रेलिया, क्यानडा, युके, युएसए लगायतका देशमा उच्च शिक्षा अध्ययन गर्न जान चाहने विद्यार्थीलाई उचित परामर्श दिनुका साथै भाषागत कक्षाहरु सेन्ट्रल कलेजले सञ्चालन गर्दै आइरहेको छ । यस्तै कलेजले जापान तथा कोरियामा उच्च शिक्षा अध्ययन तथा वर्किङ भिजामा जान चाहनेहरुका लागि पनि परामर्श तथा भाषा कक्षाहरु सञ्चालन गर्दै आएको छ ।
बर्षाैंदेखि उच्च शिक्षा अध्ययनका लागि विदेश जान चाहाने विद्यार्थीहरुको चाहाना पूरा गर्दै आइरहेको सेन्ट्रल कलेजले उत्कृष्ट नतिजा हासिल गर्दै आइरहेको प्रिन्सिपल वाइवी बताउँछन् ।
पछिल्लो समय विद्यार्थीका लागि आफ्नै बस सेवा सुरु गरेको कलेजले नारायणगढको लायन्सचोकमा आफ्नै भवन समेत निर्माण गरिरहेको छ ।
