काठमाडौं, १४ भदौं
एसिया कप क्रिकेटको खेल अघि मुल्तान क्रिकेट स्टेडियममा उद्घाटन कार्यक्रम आयोजना भएको थियो जसमा गायिका त्रिशाला गुरुङले प्रस्तुति दिइन् । प्रस्तुति पछि उनको आवाज र सुन्दरताको भारतीय मिडियामा व्यापक चर्चा छ ।
उद्घाटन कार्यक्रम सकिने बित्तिकै सोसल मिडियामा त्रिशाला ट्रेन्ड हुन थालिन् र उनीबारे जान्न भारतीय उत्सुक भए ।
त्रिशालाले आफ्नो प्रस्तुतिका बेला लगाएको पहिरनको विशेष चर्चा छ । उनले सेतो साडी र रातो चुरा लगाएकी थिइन् । मानिसलाई उनको यो शैली निकै मनपर्यो । धेरैले उनको सादगीको पनि तारिफ गरिरहेका छन् ।















