काठमाडौं, भदौ १३
एसिया कप क्रिकेटअन्तर्गत जारी खेलमा विश्वको नम्बर १ टोली पाकिस्तानले नेपाललाई ३४३ रनको विशाल लक्ष्य दिएको छ ।
एसिया कप अन्तर्गतको पहिलो खेलमा पाकिस्तानले निर्धारित ५० ओभरको खेल सकिँदा ६ विकेटको क्षतिमा ३४२ रन बनाएको हो ।
पाकिस्तानका कप्तान बाबर आजम र इफ्तिकार अहमदले शतक लगाएका छन् । आजमले १५१ रन बनाएर आउट भएका थिए । सोमपाल कामीले आजमलाई आउट गरेका थिए । सोमपालको बलमा सन्दीप जोराले क्याच गरेका थिए ।
अहमद १०९ रन बनाएर नट आउट रहे । पाकिस्तानका ओपनर ब्याट्सम्यानहरू फकर जमान १४ रन र इमाम उल हक ५ रनमै आउट भए पनि कप्तान आजम र मोहम्मद रिजवानले पारीलाई सम्हालेका थिए । करण केसीले जमानलाई विकेट किपर आशिफ शेखको हातबाट क्याच आउट गराउन सफल भएका थिए ।
सोही क्रममा रिजवान ४४ रनमा दीपेन्द्रसिंह ऐरीको थ्रोमा रन आउट भएका थिए । त्यस अघि ओपनर इमाम पनि नेपालका कप्तान रोहित पौडेलको थ्रोमा रन आउट भएका थिए ।
त्यसपछि आघा सलमानलाई सन्दीप लामिछानेले कुशल भुर्तेलको हातमा क्याच गराउन सफल भएका थिए । आघा ५ रनमा पवेलियन फर्किएका थिए ।
नेपालका लागि सोमपाल कामीले तथा र करण केसी र सन्दीप लामिछानेले १–१ विकेट लिएका छन् ।
केहीबेरपछि नेपालले ब्याटिङ गर्दैछ । नेपालले एसिया कपमा डेब्यू गरेको हो ।
