काठमाडौं, १३ भदौ
एसिया कप–२०२३ को उद्घाटन खेलमा घरेलु टिम पाकिस्तानले नेपालविरुद्ध २०० रन पूरा गरेको छ ।
पाकिस्तानको मुल्तानस्थित मुल्तान क्रिकेट रंगशालामा टस जितेर ब्याटिङमा आएको पाकिस्तानले नेपालविरुद्ध ३७.४ ओभरमा चार विकेट गुमाएर २०० रन पूरा गर्यो । पाकिस्तानबाट हाल क्रिजमा रहेको कप्तान बाबर आजम ९५ र र इफ्तिखर अहमेद ३२ रनमा खेलिरहेका छन् ।
एसिया कपमा ‘डेब्यू’ गरेको नेपाली टिमले सन् १९९२ को विश्वकप विजेतासमेत रहेको पाकिस्तानविरुद्ध पनि पहिलोपटक एकदिवसीय अन्तर्राष्ट्रिय मान्यताप्राप्त क्रिकेटमा प्रतिस्पर्धा गरिरहेको हो ।
एकदिवसीय वरीयताको १५औँ स्थानमा रहेको नेपालले आफ्नो क्रिकेट इतिहासमै पहिलोपटक शीर्ष स्थानमा रहेको टिमविरुद्ध खेल्दै छ । आजको खेल जिते नेपाली क्रिकेटले नयाँ इतिहास रच्ने छ ।
