चितवन, बैशाख १३ –
चितवन जिल्लाबाट मासिक एक हजार एक सय ६१ जनाले श्रम बजारमा रोजगारीका लागि श्रम स्वीकृत लिने गरेका छन् । श्रमको अभाव भएपछि मासिक एक हजार एक सय ६१ जना वैदेशिक रोजगारीमा गएर श्रम बेच्न बाध्य भएका हुन् ।
गत आर्थिक बर्ष ०७८र०७९ मा चितवन जिल्लाबाट वैदेशिक रोजगारीमा जान १३ हजार ९ सय २७ जनाले श्रम स्वीकृत लिएका छन् । त्यस्तै सोही आर्थिक बर्षमा बागमती प्रदेशबाट ९१ हजार ५ सय १० जनाले श्रम बजारमा रोजगारीका लागि श्रम स्वीकृत लिएका महानगरको सामी कार्यक्रमका शुसासन सयोजक भक्त राइले बताए ।
बुधबार महानगरपालिकाले भरतपुरमा २९ वटै वडाका अध्यक्ष तथा सचिवहरुसँग वैदेशिक रोजगारका सम्बन्धमा देखिएका समस्या, चुनौती र वैदेशिक रोजगारमा गएकाहरुको अवस्थाको बारेमा बिस्तृत रुपमा अन्तरक्रिया गरेको छ ।
नेपालमा प्रति बर्ष करिब १४ लाख ५० हजार श्रमशक्ति श्रम बजारमा श्रम गर्न जाने गरेका छन् भने श्रम स्वीकृत लिएर वैदेशिक रोजगारीमा जानेको सैख्या ६४ लाख रहेको छ । त्यस्तै गत आर्थिक बर्षमा मात्रै बागमती प्रदेशबाट ९१ हजार ९ सय ४८ जनाले श्रम स्वीकृत लिएका छन् । आर्थिक बर्ष ०७८र०७९ मा १० खर्ब ७ अर्ब बिप्रेषण भित्रीएको (कुल ग्राहस्थ उत्पादन जि डि पि ) संग तुलना गर्दा करिब २९ प्रतिशत हिस्सा हुन आउँछ ।
भरतपुर महानगरपालिकाले यही बैशाख १६ गते बाट २९ वटै वडाहरुमा गणकहरु खटाएर वैदेशिक रोजगारीमा गएका ब्यक्तिहरुको विवरण सकलन गर्दै छ । त्यसैको पुर्ब सन्ध्यामा भरतपुर महानगरपालिकाले वैदेशिक रोजगारका सम्बन्धमा तथ्यांक सकलन, अभिलेखिकरण र पार्श्वचित्र निर्माण गर्न जनप्रतिनिधिहरुसग मंगलबार अन्तरक्रिया गरेको हो ।
अन्तरक्रिया कार्यक्रमलाई समापन गर्दै नगर उप प्रमुख चित्रसेन अधिकारीले महानगरको यो कार्यक्रम इतिहासकै सम्झनलायक कार्यक्रम भएको तर्क राखे। यो हाम्रो मात्र नभई भरतपुर महानगर कै गौरबको कार्यक्रम हो उप प्रमुखले भने, यो अभियानबाट वैदेशिक रोजगारीका सम्बन्धमा देखिएका जटिलताको अन्त्य हुने छ ।
