– विनय आचार्य
चितवन, चैत २८
भरतपुरको स्टार्स मन्टेश्वरी एकेडमीले भव्य दीक्षान्त समारोह सम्पन्न गरेको छ । मन्टेश्वरीले ३२ जना विद्यार्थीलाई दीक्षित गरेको हो ।
दीक्षान्त समारोहमा शिक्षकलाई सम्मान कार्यक्रम, विद्यार्थीहरुलाई पुरस्कार वितरण र सांस्कृतिक कार्यक्रम समेत गरिएको थियो ।
दीक्षान्त समारोहमा हास्य कलाकार सन्तोष पन्त, गायक आनन्द कार्की, सामाजिक कार्यकर्ता तथा शिक्षिका गिविना मगरको प्रस्तुती रहेको थियो । सञ्चारकर्मी महिमा पड्णी भट्टराईले सञ्चालन गरेको कार्यक्रममा मन्टेश्वरीका सम्पूर्ण विद्यार्थी, शिक्षकशिक्षिका, अभिभावक लगायतको उपस्थिति रहेको थियो ।
भरतपुर महानगरपालिका ११, मालपोतचोक स्थित स्टार्स मन्टेश्वरी एकेडेमीको यो एघारौं दीक्षान्त समारोह हो । मन्टेश्वरीले हरेक वर्ष दीक्षान्त समारोह गर्दै आइरहेको भए पनि यसपाली भव्यताका साथ गरेको हो ।
‘जहाँबाट तपाईंका नानीबाबुको भविष्य निर्माणको पहिलो पाइला सुरु हुन्छ’ भन्ने मुल नाराका साथ विसं २०६७ सालमा मन्टेश्वरी स्थापना भएको थियो ।
मन्टेश्वरीका प्रबन्ध निर्देशक गणेश रानाले शान्त र पारिवारिक वातावरणमा बाल मनोविज्ञानद्वारा बालबालिकालाई खेल्दै सिकाउंँदै आइएको बताउँदै आएका छन् । यसका साथै मन्टेश्वरीमा बालबालिकाको लागि अतिरिक्त क्रियाकलाप, नाचगान, इन्डोर गेमका साथै स्वस्थ खाना तथा खाजाको व्यवस्था समेत रहेको राना बताउँछन् ।
दीक्षान्त समारोहमा दीक्षित हुने विद्यार्थी र अभिभावक साथै अतिथिहरुलाई स्कुल देखि कार्यक्रम स्थलसम्म पन्चै बाजा सहित परम्परागत ढगंले सोभायात्रा निकालेर लगिएको थियो ।
यस अघि जति दीक्षित भएर गए ति विद्यार्थीहरुले चितवनका साथसाथै राजधानिका नाम चलेका स्कुलहरुमा पनि उत्कृट नतिजा निकाल्न सफल भएको छ । मन्टेश्वरीबाट दीक्षित भएको पहिलो ब्याजको विद्यार्थीहरु एसइई दिने भईसकेका छन् ।
कार्यक्रममा रात्री भोजको व्यवस्था पनि गरिएको थियो । कार्यक्रम अवलोकन गरिसके पछि सबै जना एकदम खुसी भएर भव्यताका साथ सम्पन्न भयो भन्ने प्रतिक्रिया अभिभावकहरुबाट पाइएको थियो ।
