चैत २८, चितवन – चितवनमा ‘रामललाकी माता’ नामक साङ्गगीतिक नाटक कार्यक्रम सम्पन्न भएको छ । ‘द आर्ट अफ लिभिङ्ग’को नेतृत्व र श्री रवीशंकरजिको प्रोत्साहनमा ‘रामललाकी माता’को साङ्गगीतिक नाटक सोमबार भरतपुर क्यान्सर अस्पतालको सभाहलमा सम्पन्न भएको हो ।
भारतमा निकै चर्चित रहेको रामायणको यो नाटक भैरवा, काठमाडौं, पोखरा, बिरगन्ज लगाएत नेपालको विभिन्न सहरमा हाल प्रस्तुत भईरहेको छ । सोही अनुसार हिजो भारतका १८ कलाकारहरुद्वारा चितवनमा पनि भएको हो।
जसमा कैकेयी र मन्थराको बर्णनलाई नकारात्मक भूमिकामा चित्रण गरिएको थियो । नाटकमा नकारात्मक कुराले पनि सकारात्मकको बाटो तर्फ लैजान्छ, भन्ने बारे राम भवगवानको तपस्या, राम भगवानको महत्वको बिषयमा प्रस्तुत गरिएको थियो ।
कार्यक्रका प्रमुख अतिथी चितवन क्षेत्र नम्बर २ (ख ) बागमती प्रदेश सांसद उत्तम जोशीले ‘द आर्ट अफ लिभिङ्ग’ संग जोडिएर यस्तो खालको धार्मिक कार्यक्रम आयोजना गरेकोमा धन्यवाद व्यक्त गरे । उनले आफु पनि आर्ट अफ लिभिङ्गमा जोडीएर विभिन्न किसिमको तालिममा सहभागी भएको बताए । यस्ता खालका धार्मिक कार्यक्रमले मनमा शान्ती, आनन्द पाउन सकिने बताए ।
त्यस्तै कार्यक्रमका अध्यक्ष एवम् ‘द आर्ट अफ लिभिङ्ग’ चितवनका संयोजक भोजराज खड्काले नाटक एउटा पुरानो संस्कृती भएको हुँदा नाटक मार्फत धेरै कुराहरु जान्न सकिने बताए । आफु लामो समयदेखी धार्मिक, सांस्कृतिक कार्यक्रममा भएको यसबाट खुशी, सुखी, शान्ती पाउन सकिएको उनको भनाई छ ।
कार्यक्रमा बिशिष्ट अतिथी भरतपुर महानगरपालिका वडा नम्बर ७ का वडा अध्यक्ष राजेन्द्रमणी काफ्ले, भरतपुर महानगरपालिका वडा नम्बर १० का वडा अध्यक्ष प्रमेस्वर खनाल, विभिन्न धार्मिक तथा सांस्कृतिक संघ संस्थाका प्रतिनिधिहरु, ‘द आर्ट अफ लिभिङ्ग’ चितवनका सदस्यहरुको उपस्थिती रहेको थियो ।
