चितवन – क्लवमा आवद्ध सदस्यहरुको क्षमता अभिबृद्धि तथा नेतृत्व विकासका लागी लायन्स क्लव अफ चितवन मर्सी राईजले ३ दिने उद्घोषण तालिम सम्पन्न गरेको छ ।(भरतपुरमा) सम्पन्न तालिममा क्लबमा आवद्ध सदस्यहरुको सहभागीता रहेको थियो ।
सामाजिक जिवनलाई सक्रिय र प्रभावकारी वनाउनका लागी क्लवका सदस्यहरुलाई लक्षीत गरि कार्यक्रमको आयोजना गरिएको क्लवका अध्यक्ष रुपा पीयाले जानकारी दिनुभयो । कार्यक्रममा सामाजिक व्यक्तित्व तथा प्रशिक्षक बिदुर केसी र महिलाहरुको सामाजिक नेतृत्व विकासमा कार्यरत सामाजिक संस्था हाम्रो भरोसा नेपालका अध्यक्ष तथा संचारकर्मी सिन्धु ढकालले प्रशिक्षण दिनु भएको थियो ।
चैत १२ गतेबाट ३ दिनसम्म संचालन गरिएको कार्यक्रमको समापन समारोहमा सहभागीहरुलाई प्रमाणपत्र समेत बितरण गरिएको छ । प्रमाणपत्र वितरण कार्यक्रमका प्रमुख अतिथि डिस्ट्रीक ३२५ आरका सेकेण्ड भ्याईस डिस्ट्रीक गर्भनर दिनानाथ न्यौपानेले मर्सीराईज क्लवले आयोजना गरेको कार्यक्रमले महिलाहरुको नेतृत्व विकासमा महत्वपुर्ण भुमिका निर्वाह गर्ने भन्दै समय सापेक्ष कार्यक्रम संचालन गरेकोमा क्लबको प्रशंसा गर्नु भयो ।
प्रशिक्षणको समापनको अवसरमा क्लवको बार्षिक अधिवेशन समेत आयोजना गरिएको थियो । क्लवका अध्यक्ष रुपा पियाको अध्यक्षतामा भएको अधिवेशनमा क्लवको कार्य प्रगति विवरण समेत प्रस्तुत गरिएको थियो ।क्लबले २०२२ देखि हालसम्म अन्य क्लवहरुसँगको सहकार्यमा नियमीत कार्यक्रमहरुसँगैै महिला बालबालिका, अपांग, बिरामी र बिभिन्न संघसंस्थामा आश्रित बालबालिकालाई लक्षीत गरि सेवा तथा सहयोग कार्यक्रम सम्पन्न गरेको छ ।
क्लबले देवघाटमा रहेका बृद्धबृद्धाहरुको लागी न्यानो कपडा तथा भोजन सेवा, महेश सन्यास गुरुकुलमा फ्रीज तथा स्टेसनरी सामान वितरण, झुवानी माध्यामिक बिद्यालय समाहित शिक्षा कार्यक्रममा अध्ययनरत दृष्टिबिहिन बिद्यार्थीहरुका लागी २५बटा सेतो छडी र स्लेट तथा खाजा वितरण, अपागंता भएका व्यक्तिहरुका लागी ४ बटा ब्हिल चियर वितरण तथा क्यान्सर अस्पतालका बिरामीहरुलाई खाने पानी वितरण कार्यक्रम सम्पन्न गरिसकेको संस्थाका अध्यक्ष रुपा पियाले जानकारी दिनुभयो ।
अधिबेशनले आगामी कार्यकालका लागी बिनीता के सीको अध्यक्षतामा कार्यसमिति चयन गरेको छ । क्लवको प्रथम उपाध्यक्षमा राधिका वस्याल, द्धितिय उपाध्यक्ष मिना आले, तृतिय उपाध्यक्षमा ज्ञानदेवि गुरुगं, सचिवमा सुनिता ठकुरी, कोषाध्यक्षमा नम्रिता ढकाल र सहसचिवमा शुसिला श्रेष्ठलाई चयन गरेको छ ।
