चितवन, फागुन ५ –
नवलपुरको गैंडाकोट नगरपालिकाले वडा नम्बर ६ र ७ स्थित नारायणी नदी उत्खनन् र डम्पिङ्ग गरिरहेको छ । साथै नगरपालिकाले नदी किनारमा फोहोर लगेर फाल्ने र त्यहीँ पुर्ने पनि गर्छ ।
ति फोहोर फाल्न प्रयोग गरिएका नगरपालिकाका सवारी साधनले नदीजन्य पदार्थ लिएर फर्कने गरेपछि स्थानीयले विरोध जनाउन सुरु गरे । स्थानीयले ती सवारीलाई गैंडाकाट इलाका प्रहरी कार्यालयमा पनि बुझाए । तर ती सवारी साधनलाई कारबाही नै नगरी भोलि पल्टै छाडियो ।
नदी किनारमा जथाभावी उत्खनन् भइरहेको, फोहोर जथाभावी फालिएको र फोहोर फाल्ने सवारीले ढुंगाबालुवा ओसारिरहेको जनगुनासोपछि सञ्चारकर्मिको टोली फिल्डमा पुगेर स्थलगत रिर्पाेटिङ्ग ग¥यो । स्थानीयहरुले सञ्चारकर्मीसँग आफ्ना गुनासो पनि पोखे ।
त्यसपछि त्यसको भोलिपल्ट चितवन आजकर्मी समेत रहेका ग्यालेक्सी फोर के टेलिभिजनका चितवन संवाददाता हिरालाल आचार्य गैंडाकोट नगरपालिकाको कार्यालयमा पुगे । नगरप्रमुखको सचिवालयसँग समन्वयन गरी नगरप्रमुखको कार्यकक्षमा प्रवेश गरेका आचार्यमाथि नगरप्रमुखले दुव्र्यहार समेत गरे ।
पत्रकार आचार्यका अनुसार उनी गैंडाकोट नगरपालिकामा यि जवाफ माग्न पुगेका थिए । नारायणीमा के कति कारणले उत्खनन् र डम्पिङ्ग गरिएको हो ? कुन प्रक्रियाबाट गरिएको हो ? अनि नारायणीमै लगेर कहिलेसम्म फोहोर फालिरहने, ल्याण्डफिल साइड बनाउने योजना छ छैन ? फोहोर फाल्ने सवारीले ढुंगा बालुवा ओसारपसार गरिरहेका छन्, त्यसको सूचना पाएपछि प्रहरीले समातेर पनि किन छाड्यो ? अनि स्थानीयलाई चित्त नबुझाई किन काम गरेको ? भन्ने प्रश्न बोकेर आफू नगरपालिका पुगेको आचार्यको भनाइ छ ।
मेयरको कार्यकक्षमा पुगेर मेयरसँग केही समय सामान्य कुराकानी भएको आचार्यले बताएका छन् । त्यसपछि नगरपालिकाले फोहोर फाल्ने सवारी साधनबाट ढुंगाबालुवा ओसारपसार गरिहेको रहेछ नी यस विषयमा पनि मेयरसँगै बुझौं भनेर आएको भन्ने बित्तिकै मेयर अधिकारी आक्रोशित हुँदै जंगिएको पत्रकार आचार्यको भनाइ छ । जंगिन थालेपछि आफूले अडियो रेकर्ड सुरु गरेको बताउँदै पत्रकार आचार्यले अडियो रेकर्ड पनि जबरजस्ती बन्द गराइएको बताए । त्यसपछि ५/७ जना बाहिरी मान्छे आएर आफूलाई घेरेको, धम्की दिएको, पिट्ने प्रयास गरेको आचार्यले बताएका छन् । त्यसपछि यहाँ भइरहेको सबै गतिविधि मेरो अरु टिमलाई थाहा हुने संयन्त्र आफूसँग रहेको र अब म भिडियो रेकर्ड गर्न सुरु गर्छु यो पनि अरु टिमले भर्खरै हेर्न मिल्छ भनेपछि ती ५/७ जना केटाहरु मेयरको कार्यकक्षबाट बाहिरिएको पत्रकार आचार्यले बताएका छन् ।
त्यसपछि ७ मिनटजति भिडियो रेकर्ड गर्दै कुराकानी गरेको आचार्यले बताएका छन् । आचार्यले सार्वजनिक गरेको भिडियोमा पनि मेयरले गैह्रजिम्मेवारीपूर्ण जवाफ दिएको देखिन्छ । त्यसपछि आफू मेयरको कार्यकक्षबाट बाहिरिएको आचार्यको भनाई छ ।
त्यसपछि आचार्यले नदी उत्खनन् र अवैध ओसारपसारका बारेमा जनगुनासोसहितको समाचार रिर्पाेट तयार पारेका थिए । भने नगरपालिकाको जवाफ लिन जाँदा जवाफ पाउन नसकिएको उनले रिर्पाेटमा बताएका थिए । ग्यालेक्सी फोर के टेलिभिजन सिधा कुरामा प्रशारण भएको उक्त समाचार पत्रकार आचार्यले चितवन आजलाई पनि प्रशारण गर्नका लागि पठाएका थिए ।
त्यतिबेला आचार्यलाई जवाफ दिन नसकेका मेयरले भोलिपल्ट स्थानीय एफएम विजय एफएमलाई आफ्नो प्रतिक्रिया दिएका छन् । उनले प्रतिक्रिया दिएपछि त्यसको भोलिपल्ट आज गैैैंडाकोट वडा नम्बर ६ र ७ का स्थानीयले एक भेला गर्दै गैंडाकोट नगरपालिकाले आफूहरुलाई कुनै जानकारी नगराई नदीजन्य पदार्थ उत्खनन् गरिरहेको बताएका छन् ।
प्रतिक्रियामा मेयरले सार्वजनिक सुनुवाई र इआइए गरेर उत्खनन् भइरहेको बताएका छन् । तर त्यो सत्य नभएको स्थानीयको भनाइ छ । सार्वजनिक सुनुवाईमा आफ्ना पक्षलाई मात्र बोलाएर प्रक्रिया पूरा गरेको स्थानीयको भनाइ छ । इआइए गरेको भए त्यसको रिर्पाेट पटकपटक माग गर्दा पनि स्थानीयलाई उपलब्ध गराउन किन नसकेको भनि उनीहरुले प्रश्न गरेका छन् । हेर्नुहोस् यो भिडियो ।
