चितवन, पुष ८-
भरतपुरमा रहेको नेपाल पोलिटेक्निक इन्स्टिच्युटमा रक्तदान कार्यक्रम सम्पन्न भएको छ ।
इन्स्टिच्युटको २७ औं बार्षिकउत्सवको अवसरमा विविध रचनात्मक कार्यक्रमका साथ रक्तदान कार्यक्रम गरिएको हो । कार्यक्रममा ५५ जना रक्तदाताहरुले रक्तदान गरेका छन् । कार्यक्रम पोलिटेक्निक इन्स्टिच्युट र लायन्स क्लव अफ चितवन युथको संयुक्त आयोजनामा सम्पन्न भएको हो ।
कार्यक्रमको उद्घाटन कलेजका प्राचार्य एवं प्रबन्ध निर्देशक बाबुराम उपाध्यायले गरे ।
विविध रचनात्मक कार्यक्रम अन्तरगर्त फुटबल, क्रिकेट, बास्केट बल, टेबल टेनिस, व्याड मिन्टन, हाजिरी जवाफ, डोरी तान, दौड लगायतका खेलहरु भएका थिउ ।
इन्जिनियरिङ संकायको स्नात्तक तह र डिप्लोमा तह प्रमाणपत्र तहका खेलकुदहरु छुुटाछुटै गरिएको थियो । प्रतियोगितामा बिजयी भएकाहरुलाई सरस्वती पुजाका दिन पुरस्कृत गरिने कलेजका सहप्राचार्य दिपक ढकालले जानकारी दिए ।
