चितवन, कात्तिक ३०–
पाँच दलीय गठबन्धनको चितवन क्षेत्र नं १ मा आज आमसभा हुने भएको छ । लोकतान्त्रिक बाम गठबन्धन निर्वाचन प्रचार प्रसार समिति चितवन क्षेत्र नं १ को आयोजनामा पर्सा बजार क्षेत्रमा चुनावी सभा आयोजना गर्न लागेको हो ।सभामा वरिष्ठ युवा अर्थशास्त्री डा स्वर्णीम वाग्लेले सम्बोधन गर्ने कार्यक्रम रहेको छ । डा वाग्ले युवा पुस्तामाझ चर्चित छन् । आमसभा दिउँसो १ बजेदेखि सुरु हुने प्रचार प्रसार समितिले जनाएको छ । गठबन्धनको तर्फबाट चितवन क्षेत्र नं १ मा नेपाली कांग्रेसबाट डा विश्वनाथ पौडेल चुनावी मैदानमा छन् । उनी राष्ट्रिय योजना आयोगको उपाध्यक्षबाट राजीनामा दिएर चुनावी मैदानमा होमिएका हुन् । युवा अर्थशास्त्री डा पौडेल चितवनको विकासका लागि महत्वपूर्ण मानिएका छन् ।गठबन्धनबाट चितवन क्षेत्र नं १ (क)मा कांग्रेसका किरण भुषण ओली र १ (ख)मा नेकपा (एकीकृत समाजवादी)का कृष्णप्रसाद खनाल चुनावी मैदानमा छन् ।
