चितवन। सत्ता गठबन्धनले एक विज्ञप्ति जारी गरी निर्वाचन नजिकिँदै गर्दा दल वा उम्मेदवार विशेषको नाम लिएर अराजक गतिविधि गर्नु निन्दनीय प्रवृति भएको बताएको छ । गठबन्धन चितवनले इच्छाकामनामा आइतबार मादक पदार्थ सेवन गरेका रबि लामिछानेका कार्यकर्ताले आफ्नो नेता कार्यकर्तामाथि गाली गलौज गरेर अराजक गतिविधि गरेको आरोप लगाएको छ ।
नेपाली कांग्रेस चितवनका सभापति राजेश्वर खनाल, नेकपा माओवादी केन्द्र चितवनका संयोजक रामचन्द्र अधिकारी र नेकपा (एकिकृत समाजवादी) चितवनका उपाध्यक्ष अरुणपिडीत भण्डारीले संयुक्त रुपमा जारी गरेको विज्ञप्तिमा मत माग्दै गर्दा आचारसंहिता विरुद्ध कुनै व्यक्तिको मानमर्यादामा हनन् हुनेगरी प्रचारप्रसार नगर्न सबै पक्षलाई आग्रह गरिएको छ ।
