चितवन, कात्तिक २६-
सत्ता गठबन्धनको चितवनमा चुनावी सभा सुरु भएको छ । भरतपुरस्थित गेष्टहाउस चौरमा आमसभा भइरहेको छ ।
गठबन्धनको चुनावी सभामा सुरक्षा व्यवस्था कडा पारिएको छ । सभामा छिर्नु अघि पुरुषलाई सेक्युरिटी स्क्यान अनिवार्य गरिएको छ ।
यस्तै, कांग्रेसका चितवन पूर्व जिल्ला सभापति विकास कोइरालाको कारबाही फिर्ता गर्न माग गर्दै गठबन्धनले भरतपुरमा आयोजना गरेको चुनावी सभा अगाडि युवाहरूले प्रदर्शन गरेका छन् ।
चुनावी सभालाई प्रधानमन्त्री एवं कांग्रेस सभापति शेरबहादुर देउवा, माओवादी केन्द्रका अध्यक्ष पुष्पकमल दाहाल ‘प्रचण्ड’, एकीकृत समाजवादीका अध्यक्ष माधवकुमार नेपाल, नेपाल समाजवादी पार्टीका अध्यक्ष डा बाबुराम भट्टराईसहित नेताहरूले सम्बोधन गर्ने कार्यतालिका छ ।
