भरतपुर, ३ कार्तिक –
आगामी मंसिर ४ गते हुने संघ र प्रदेशको निर्वाचन संघारमा छ । उमेदवारहरू जनताको मत माग्न छलफल र अन्तरक्रियामा केन्द्रीत छन् ।यसै सन्दर्भमा प्रतिनिधिसभा चितवन क्षेत्र नम्बर ३ अन्तर्गत गठबन्धनका साझा उमेदवार डा। भोजराज अधिकारी पनि विभिन्न क्षेत्रमा जनतासँग छलफल र भेटघाट गरिरहेका छन् ।यसै अन्तर्गत डा। अधिकारी भरतपुर २४ का मतदातासँग भेटघाट गरेका छन् ।
माओवादी पार्टी केन्द्रित अन्तर्क्रियामा त्यहाँ उपस्थित जनसमुदायले डा। भोजराजलाई निर्वाचित गराउने प्रतिबद्धता व्यक्त गरेका छन् । चुनावका समयमा आउने चुनौतिलाई अवसरको रूपमा लिएर अघि बढ्ने उनीहरूले बताएका छन् ।उत्पिडित, अल्पसंख्यक समुदायको हितका लागि पनि डा। अधिकारी निर्वाचित हुनुपर्नेमा उनीहरूले जोड दिए ।
भरतपुर २४ का वडाध्यक्ष राम गोदारले डा। भोजराजको बौद्विकतालाई प्रयोग गर्ने समय आएको बताए ।छलफलमा सहभागी डा। भोजराज अधिकारीले माओवादी अध्यक्ष प्रचण्डको अधुरा अपुरा कामको कमि हुन नदिन आफु निर्वाचित हुनुपर्ने बताए । धारणा राख्ने क्रममा केही भावुक भएका डा। अधिकारीले जग्गा धनीपुर्जा वितरणका लागि संघर्ष गर्ने बताए । आफु पनि यस्तै अवस्थाबाट आएको बताएका उनले आफ्नै समस्याको रूपमा लालपुर्जाका विषयमा लड्ने बताएका छन् ।
