– हिरालाल आचार्य ‘डायमण्ड’
चितवन, असोज ३१ –
चितवन निर्वाचन क्षेत्र नं. ३ मा स्वतन्त्र उम्मेद्वार दिनेश कोइरालालाई मिना खरेलले समर्थन गरेकी छिन् ।
आज गितानगरमा दिनेश कोइरालालाई विजयी गराऔं प्रचार प्रसार समितिको कार्यालय तथा सम्पर्क कार्यालयको उद्घाटन समारोहमा मिना खरेल देखिएकी हुन् ।
उद्घाटन कार्यक्रममा बोल्दै खरेलले दिनेश कोइरालाको उम्मेद्वारीमा आफ्नो एक्यबद्धता रहेको बताइन् । उनले माछा चुनाव चिन्ह मतदान गरी कोइरालालाई अत्याधिक मतले विजयी गराउन आग्रह गरिन् । स्थानीय चुनावमा भरतपुर महानगरपालिकाको प्रमुखमा जगन्नाथ पौडेल कांग्रेसमा विद्रोह गरी उम्मेद्वार हुँदा मिना खरेलले समर्थन गरेकी थिइन् । जसका कारण उनलाई पनि पार्टीले कारबाही गरेको छ ।
अहिले ३ नं. क्षेत्रमै जगन्नाथ पौडलेको पनि उम्मेद्वारी छ । तर मिना खरेलले दिनेश कोइरालालाई समर्थन गरेकी हुन् । जगन्नाथ पौडेललाई समर्थन गर्ने अर्का पूराना नेता कृष्णप्रसाद सापकोटा पनि दिनेशको पक्षमा रहेको खरेलले बताइन् । काठमाडौं भएकाले सापकोटा आजको कार्यक्रममा आउन नसकेको खरेलको भनाइ थियो ।
यसैगरी दिनेश कोइरालाको समर्थनमा कांग्रेसका पूराना नेता नारायण कोइरालाले पनि समर्थन जनाएका छन् ।
भिडियोमा हेुर्नहोस्, दिनेश कोइरालालाई समर्थन जनाउँदै मिना खरेलले के भनिन् ?
फेसबुक भिडियो
युट्युब भिडियो
0000000000
भिडियोमा हेुर्नहोस्, दिनेश कोइरालालाई समर्थन जनाउँदै नारायण कोइरालाले के भने ?
फेसबुक भिडियो
युट्युब भिडियो
चुनावी प्रचार व्यापक बनाउँदै दिनेश कोइराला : खोले सम्पर्क कार्यालय (भिडियो)















