आफैं यूवालाई विदेश पठाउन कन्सलटेन्सी चलाएर बसेको मान्छेले कसरी यूवालाई रोक्ने रु भन्ने पत्रकारको प्रश्नमा सिलवालले भनें, विदेशमा शिक्षा लिन जाने हो, त्यहाँको सिस्टम बुझ्न जाने हो, जसको लागि हामीले परामर्श दिइरहेका छौं, आफू सक्षम भएर देशको सेवा गर्न सक्ने युवा बनाउने काम गलत होइन् ।”

यस्तै, सिलवालले चुनावीे एजेण्डाका रुपमा जनताद्धारा चुनिएको प्रत्यक्ष प्रधानमन्त्री शासन व्यवस्था कायम गर्ने जनाएका छन् ।

प्रतिज्ञापत्रमा एमसीसी र एसपीपी जस्ता सम्झौता खारेज गर्ने, सीमा सुरक्षाको लागि पर्खाल र काँडेतारको व्यवस्था गर्ने, सिमा विवाद सुल्झाउन सशक्त भूमिका निर्वाह गर्ने, सुकुम्बासी समस्या सम्पूर्ण रूपमा हल गर्ने, जन्मदर्ता र मृत्युदर्ता निःशुल्क गर्ने, माडीबासीलाई वन्यजन्तुबाट हुने क्षतिपूर्ति उपलब्ध गराउने, माडीलाई धार्मिक तथा पर्यटकीय क्षेत्र घोषणा गर्ने, कृषि उत्पादन खरिद केन्द्र निर्माण गरी कृषकका उत्पादनलाई बजारीकरण गर्नमा टेवा पु¥याउने उल्लेख गरेका छन् ।

चितवनका पर्यटकिय क्षेत्रलाई भौतिक सुविधा सम्पन्न गराउने प्रतिबद्धता सहित उनले बन्द रहेका ठूला उद्योग सञ्चालनमा ल्याउने र घरेलु तथा साना उद्योग व्यापकरुपमा सञ्चालनमा जोड दिने पत्रकार सम्मेलनमा बताए ।

शारीरिक तथा मानसिक अपाङ्गहरू, असहाय अशक्त र वृद्धवृद्धाहरूको लागि जीवनयापन सहज बनाउन विशेष भत्ताको व्यवस्था गर्ने सिवलवालको प्रतिज्ञा छ ।

सिलवालले निर्वाचनमा चुनाव चिन्ह ‘हेल्मेट’ प्राप्त गरेका छन् । आफू एक सफल शैक्षिक परामर्शकर्ता, समाजसेवी तथा युवा भएकाले निर्वाचनमा विजयी हुने उनको विश्वास छ ।

चितवनका जनता अब पुराना नेता, पुराना कुरा र झुटो आसामा नफस्ने भएकाले आफूलाई मत दिएर परिर्वतनको पक्षमा उभिनेमा ढुक्क रहेको बताए ।