चितवन,असोज २३ –
चितवनमा एमाले र राप्रपा बीच चुनावी तालमेलका बारेमा सहमति नभएको जनाइएको छ ।
चितवन क्षेत्र नं। ३ मा एमाले र राप्रपा बीच चुनावी तालमेल गर्ने चर्चा चले पनि सहमति हुन नसकेको हो ।
एमाले चितवन अध्यक्ष रामप्रसाद न्यौपानेले राप्रपासँग कुनै सहमति नभएको बताए । न्यौपाने सो ३ नं. क्षेत्रमा एमालेबाट सर्वसम्मत उम्मेदवार सिफारिस भएका छन् ।
सहमति नभएपछि राप्रपाले सबै क्षेत्रमा उम्मेदवारी दर्ताको तयारी थालेको छ । राप्रपा चितवनका प्रवक्ता राजु भण्डारीका अनुसार प्रतिनिधिसभा सदस्यका लागि चितवन क्षेत्र नम्बर ३ मा पूर्वमन्त्री तथा केन्द्रीय उपाध्यक्ष विक्रम पाण्डे, चितवन–१ मा राप्रपा बागमती प्रदेशका सहसचिव मधुकुमार भट्टराई र चितवन–२ मा रविन अधिकारीले उम्मेदवारी दिने भएका छन् ।
