चितवन, २३ असोज
राष्ट्रिय स्वतन्त्र पार्टीका सभापति रवी लामिछानेले प्रतिनिधि सभाको निर्वाचन चितवनबाटै लड्ने हुनुभएको छ । उहाँ चितवन क्षेत्र नं २ बाट निर्वाचन लड्ने तयारीका साथ यहाँ आउनुभएको हो। आफ्नो मनोनयन दर्ता गर्न लामिछाने विहानै चितवन आइपुग्नुभएको पार्टी स्रोतले जानकारी दिएको छ ।
यसअघि उहाँले चितवन क्षेत्र नम्बर ३ बाट उम्मेदवारी दिने घोषणा गर्नुभएको थियो । माओवादी केन्द्रका अध्यक्ष पुष्पकमल दाहाल प्रचण्ड गोरखाबाट उम्मेदवार बन्ने भएपछि लामिछानेले चितवन २ बाट उम्मेदवार बन्न लाग्नुभएको हो । मनोनयन दर्ताअघि लामिछानेले जिल्लाका स्वतन्त्र अभियान्ताहरुसंग छलफल गर्ने बताइएको छ ।
निर्वाचन आयोगले आज प्रतिनिधि सभा र प्रदेश सभा सदस्यका उम्मेदवारको मनोनयन दर्ता गर्दै छ । मुख्य निर्वाचन अधिकृतको कार्यालय भरतपुरले स्वतन्त्र पार्टीका उम्मेदवारलाई मनोनयन दर्ता गर्न दिउँसो १२ बजेको समय दिएको छ ।
