चितवन, असोज ३-
नेपाल सन्त समाजका केन्द्रीय अध्यक्ष तथा हरिहर सन्न्यास आश्रम देवघाटका पीठाधीश स्वामी ज्ञानानन्द सरस्वतीले नेकपा माओवादी केन्द्रका अध्यक्ष पुष्पकमल दाहाल (प्रचण्ड) को अभिव्यक्तिप्रति निन्दा व्यक्त गरेका छन् ।
असोज १ गते प्रचण्डले एक कार्यक्रममा अध्यात्मले मानिसहरूलाई फुटाउनेतिर लाने, मान्छेलाई लात हान्दै ढुङ्गालाई पूजा गर्दै हिंड्ने जस्ता अभिव्यक्ति दिएको भन्दै निन्दा गरेका हुन् ।
हरिहर आश्रमको फेसबुकमार्फत सन्देश दिँदै उनले भनेका छन्, ‘आफूलाई नेपाली राजनीतिको सर्वेसर्वा ठान्ने नेतृत्ववर्गले बेलाबेलामा दिने गरेका धर्मविरोधी अभिव्यक्तिहरू निन्दनीय र भर्त्सनायोग्य छन् । प्रधानमन्त्री जस्तो राष्ट्रको जिम्मेवार पदमा पुगिसकेको व्यक्तिको अध्यात्मले मानिसहरूलाई फुटाउनेतिर लानेू, ,मान्छेलाई लात हान्दै ढुङ्गालाई पूजा गर्दै हिँड्नेू जस्ता अमर्यादित र बर्बर टिप्पणीले सनातन धर्मावलम्बीहरूको आस्थाको मर्ममा निर्मम प्रहार गरेको छ । समाजमा धर्मका आधारमा भएका विकास(निर्माणका कार्यहरूको अपमान गरेको छ । शुद्धसँग अध्यात्मवादू शब्द उच्चारण गर्नसमेत नसकी आध्यात्मवादू भन्ने चेतनाले सम्पूर्ण विश्वले अपनाइरहेको पौरस्त्य वाङ्मयका वेद, व्याकरण, पुराण, उपनिषद्को उच्च गरिमालाई अनादरसमेत गर्ने नेतृत्वको पछाडि लाग्नु भनेको नेपाली संस्कृति, धर्म, परम्पराकै चरम अपमान ठहरिने भन्दै बहुसंख्यक हिन्दूहरूको आस्थामा चोट पुग्ने गरी दिइएको अभिव्यक्ति अविलम्ब फिर्ता लिई सम्पूर्ण सनातन धर्मावलम्बी हिन्दूहरूसित क्षमायाचना गर्न मागसमेत माग गरिएको छ ।’
