चितवन, भदौ २९ –
सनराइज इङ्ग्लिस स्कुलमा अध्ययनरत विद्यार्थीहरूले बृक्षारोपण, सरसफाई तथा अन्य विविध कार्यक्रमको आयोजना गरि यस वर्षको बालदिवस भब्यताका साथ मनाइएको छ ।
निम्न माध्यमिक तहका विद्यार्थीहरू विद्यालय परीसरका साथै चिसापानी सिवालय टोल हुदै पिपलचोक क्षेत्रमा सरसफाइ तथा जनचेतना अभिबृद्धि गर्ने लगाएतका कार्यक्रम सम्पन्न गरेका छन् । हातमा विभिन्न जनचेतना मूलक प्लेकार्ड सहित सरसफाई र डेङ्गु रोगबाट कसरी बच्न सकिन्छ भन्ने सन्देश सहित टोल परिक्रमा गरेका थिए ।
माध्यमिक तहका विद्यार्थीहरूले विद्यालय परिसरमा बृक्षारोपण कार्यक्रम गरेका थिए । उक्त कार्यक्रममा माध्यमित तहका विद्यार्थीहरूले विद्यालय परिसरमा विभिन्न जातका ५० भन्दा बढि बिरूवा रोपि यस वर्षको बालदिवस मनाएका छन् ।
यसै गरि प्राथमिक र पूर्व–प्राथमिक तहमा अध्ययनरत विद्यार्थीहरूले नृत्य, गित लगाएतका विभिन्न विधाहरूमा आफ्ना प्रतिभा प्रस्तुत गरेका थिए ।
सोही कार्यक्रममा शिक्षक शिक्षिकाहरूले समेत नृत्य प्रस्तुत गरि विद्यार्थीहरूलाई थप हौसला प्रदान गरेका थिए । साथै बाल दिवसको अवसरमा विभिन्न पुरस्कार तथा उपहारहरू प्रदान गरिएको थियो । विद्यालयका प्रिन्सिपल शिवकुमार बगालेले बालदिवस विषयमा बोल्दै सम्पूर्ण बालबालिकाहरूलाई शुभकामना ब्यक्त गर्नु भएको थियो ।
