चितवन, भदौ २३-
राष्ट्रिय सभा अन्तर्गतको राष्ट्रिय सरोकार समितिको सभापतिमा चितवनकी एमाले सांसद दिलकुमारी रावल ‘पार्वती’ सर्वसम्मतरुपमा निर्वाचित भएकी छन् ।
हिजो बुधबार उम्मेदवारी मनोनयन दर्ताको समय तोकिएको थियो । सभापति पदका लागि रावल एक जनाको मात्रै उम्मेदवारी परेको थियो । सबै समितिमा एक् एक जनाको मात्र उम्मेदवारी परेका कारण सबै सर्वसम्मत भएका हुन् ।
यस्तै, राष्ट्रिय सरोकार तथा समन्वय समितिको सभापतिमा पुन दिलकुमारी रावलसहित राष्ट्रियसभाको दिगो विकास तथा सुशासन समितिमा प्रकाश पन्थ, विधायन व्यस्थापन समितिमा बेदुराम भुषाल, प्रत्यायोजित व्यस्थापन तथा सरकारी आश्वासन समितिमा माया प्रसाद शर्मा निर्वाचित भएका छन् ।
