चितवन, भदौ १३ –
प्रेस चौतारी नेपाल जिल्ला शाखा चितवनले स्थापना गरेको प्रेस चौतारी पत्रकार कल्याण कोषमा रकम जम्मा हुन सुरु भएको छ ।
चौतारी जिल्ला शाखाका चितवनका इन्चार्ज प्रतिमा सिलवाल र अध्यक्ष सुवास पण्डितले आफ्नो जन्मदिनको अवसरमा कोषमा रकम सहयोग गरेका हुन् ।
आज अध्यक्ष सुवास पण्डितले आफ्नो जन्मदिनको अवसरमा कोषका लागि १० हजार रुपैयाँ सहयोग गरेका छन् । पण्डितले शाखाका कार्यवाहक कोषाध्यक्ष विनय आचार्यलाई १० हजार रुपैयाँ हस्तान्तरण गरे ।
इन्चार्ज सिलवालले हिजो आफ्नो जन्मदिनको अवसरमा कोषका लागि ५ हजार रुपैयाँ सहयोग गरिन् । सिलवावले अध्यक्ष पण्डितलाई सहयोग रकम हस्तान्तरण गरेकी थिइन् ।
अध्यक्ष सुवास पण्डितका अनुसार पत्रकारिता पेसामा निरन्तर लागिरहेका पत्रकारहरुलाई असहज अवस्था सिर्जना हुँदा आर्थिक रुपमा सहयोग गर्ने, उत्कृष्ट कार्य गरे वापत पुरस्कार तथा सम्मान गर्ने र संगठनलाई चलायमान बनाउने मुख्ये उद्देश्य राखेर उक्त कोष स्थापना गरिएको हो ।
पत्रकारलाई स्वास्थ्य उपचारमा सहयोग पु¥याउनु, संगठन सुदृढिकरण र पत्रकारहरुको क्षमता अभिबृद्धिका कार्यक्रम गर्नु, पत्रकारहरु बिरामी वा दुर्घटनामा परी उपचार गर्नुपर्ने अवस्थामा निजको आर्थिक अवस्थाले थेग्न नसक्ने अवस्था आएमा सहयोग गर्नु, प्रेस चौतारीमा आवद्ध कुनै सदस्यको मृत्यु भएमा कोषबाट आर्जित व्याज तथा अन्य सहयोगबाट २० हजार रुपौयाँ सहयोग गर्नु लगायतका विभिन्न उद्देश्य कोषको रहेको छ ।
