– हिरालाल आचार्य ‘Diamond’
चितवन, ०७८ फागुन १६ –
आज नेपाल बन्दको दिन चितवनका ४ जना बन्दकर्ता पक्राउ परेका छन् ।
नारायणगढको लायान्सचोकबाट उनीहरुलाई नियन्त्रणमा लिइएको जिल्ला प्रहरी कार्यालय चितवनका सूचना अधिकारी एवम् प्रहरी नायव उपरीक्षक (डिएसपी) नरहरी अधिकारीले बताए । पसलहरु बन्द गराउँदै हिँडेपछि पक्राउ गरिएको उनले बताए ।
यस्तै आज बन्दकर्ताले चितवनमा तीन वटा सवारी साधनमा क्षति पु¥याएका छन् । बन्दकर्ताले दुई वटा मालबाहक ट्रक र एउटा पिकअप भ्यानमा आगाजनीको र तोडफोडको प्रयास गरेका हुन् ।
प्रहरीका अनुसार बन्दकर्ताहरुले भरतपुर ओरालोस्थित भाटभटेनी अगाडि ना ४ ख ४३२५ नम्बरको ट्रकमा आगजनीको प्रयास, भरतपुर ७ बुद्धचोकमा प्रदेश ३(०१०२ च ३६८४ नम्बरको शक्तिश्वरी कृषि फार्मको पिक अप भ्यानमा आगजनीको प्रयास र रामपुरमा एउटा ट्रकमा आगजनीको प्रयाससँगै तोडफोड गरेका छन् । सवारीको सिसामा सामान्य क्षति पुगेको छ ।
अमेरिकी मिलेनिअम च्यालेन्ज कर्पोरेशन ९एमसीसी० को विरोधमा ८ राजनीतिक दलले आज नेपाल बन्दको आह्वान गरेका थिए ।
बन्दको बिहानैबाट चितवनसहित देशभर सामान्य प्रभाव परेको थियो । चितवन हुँदै चल्ने लामो दुरीका सवारी साधनहरु चलेका थिएनन् भने छोटो दुरीका सवारी साधन फ्याट्टफुट्ट चलेका थिए ।
बन्दमा हुन सक्ने सम्भावित घटनालाई मध्यनजर गर्दै जिल्ला प्रहरी कार्यालयले बिहानैदेखि बजार क्षेत्रको सुरक्षा व्यवस्था कडा बनाएको थियो । चोक–चोकमा प्रहरी तैनाथ गरिएको थियो ।
