चितवन, साउन २५ –
वीरेन्द्र क्याम्पसको लेखा शाखामा विगत ६ दिनदेखि लागेको तालाबन्दी खुलेको छ । २३ बुँदे विभिन्न माग राख्दै अखिल नेपाल राष्ट्रिय स्वतन्त्र विद्यार्थी युनियन (अनेरास्ववियु) ले साउन २५ गते क्याम्पस प्रमुखको कार्यकक्ष र लेखाशाखामा तालाबन्दी गरेको थियो ।
क्याम्पस प्रशासन र अनेरास्ववियुका विद्यार्थीबीच भएको वार्तामा माग पूरा गर्न सहमति क्याम्पस प्रशासनले जनाएपछि लेखा शाखाको तालाबन्दी खुलाइएको अनेरास्ववियुले जनाएको छ ।
विगतमा पनि सहमति भएर तालाबन्दी खुल्ने तर सहमतिको कार्यान्वयन नहुने प्रवृत्ति रहेकाले कार्यान्वयन नहुनजेलसम्म क्याम्पस प्रमुखको कार्यकक्षको ताला नखोलिने अनेरास्ववियु क्याम्पस कमिटीका अध्यक्ष सुदिप पौडेलले बताए ।
विगतमा पनि आफ्ना मागहरुलाई सहमति जनाउने तर कार्यान्वयन नगर्ने गरेकाले क्याम्पस प्रमुखको कार्यकक्षको ताला भने नखोलिएको अध्यक्ष पौडेल बताउँछन् ।
तालाबन्दीपछि छात्रावृत्तिको आवेदन फारम क्याम्पस प्रशासनले खुलाएको र पुस्तकालय बिहान ६ बजेदेखि बेलुका ६ बजेसम्म खुल्ने सूचना प्रकाशन भएको थियो । यी दुबै माग २३ बुँदे मागपत्रमा उल्लेख थियो ।
यसैगरी वार्तामा जिर्ण रहेका ल्याबको मर्मत संभार गर्ने, शौचालय तथा कक्षाकोठा दैनिक सरसफाइ गर्ने र आवश्कताअनुसार मर्मतसंभार गर्ने, छात्राहरुलाई निःशुल्क स्यानेटरी प्याडको व्यवस्था भदौ १ बाट गर्ने, प्राथमिक उपचार किटको तत्काल व्यवस्था गर्ने र प्राथमिक उपचार कक्ष निर्माणको प्रक्रिया थाल्ने, सरकारी विद्यालय विद्यालयबाट बिबिए पढ्न आएका विद्यार्थीहरुले पाउनुपर्ने छात्रवृत्ति त्रिविको नियमानुसार तत्काल उपलब्ध गराउने, विद्यार्थीहरुबाट स्वास्थ्य शुल्कबापत रु ५०० लिँदै आएकोले तत्काल प्रक्रिया अगाडि बढाइ विद्यार्थीले पाउनुपर्ने रुं १ लाखसम्मको बीमा यही आर्थिक वर्ष २०७८÷७९ बाट लागु गर्ने सहमति भएको छ ।
यस्तै प्रयोगशाला, गोष्ठी, सेमिनार, अवलोकन भ्रमण जस्ता गतिविधि सञ्चालन गर्ने, वार्षिक प्रणालीमा परीक्षा हुने संकायका विषयहरुको यसै शैक्षिक सत्रदेखि क्याम्पसले आन्तरिक परीक्षा वर्षको दुईवटा सम्म सञ्चालन गर्ने, नौविघा परिसरमा चमेना गृह निर्माणको प्रक्रिया थाल्ने, परीक्षा अगावै सबै संकायको पठनपाठन सम्पन्न गर्नुपर्ने र त्यसको अनुगमन हुनुपर्ने, विभागहरुमा अभाव रहेका प्रोजेक्टरहरु तुरुन्त उपलब्ध गराउने, क्याम्पस परिसरभित्रको झाडी यथाशिघ्र हटाएर चौर सँधै सफा र खुला राख्ने, प्रयोगशालामा ल्याब ब्वाई (प्रयोगशाला सहयोगी) को उचित व्यवस्थापनका लागि दरबन्दी माग गर्ने र कर्मचारीहरुलाई पदअनुसारको काम गर्न लगाउने, इ–लाइब्रेरी (विद्युतीय पुस्तकालय) को स्तर उन्नती गर्दै लैजाने, विद्यार्थीहरुलाई रोजगारको अवसर दिलाउनका लागि रोजगारीको क्षेत्र पहिचान गरी क्याम्पस प्रशासनले सहजीकरण गरिदिने लगायतका मागहरुमा सहमति भएको अध्यक्ष पौडेलले चितवन आजलाई बताए ।
यस्ता थिए अनेरास्ववियुका माग :
तालाबन्दीका बेला अनेरास्ववियुले टाँसेको विज्ञप्ति :
