भैरहवा, १८ साउन-
रुपन्देहीको तुरिया खोलाको बाध फुट्दा किसानको सयौँ बिघा खेत डुबानमा परेको छ ।
केही दिनदेखि परेको पानीका कारण पानीको सतह बढेपछि रोहिणी गाउँपालिका५ को तुरिया बाँध फुटेको हो । बाँध बनेपछि हौसिएका किसानहरु धान खेती गरेका थिए । असार महिनामा निर्माण गरिएको बाँध एक महिना नबित्दै भत्केपछि उनीहरू अहिले निराश भएका छन् ।
तुरिया खोलामा १० लाखमा निर्माण भएको थियो । बाँध भत्किएर खोला खेतमा पस्दा ठूलो क्षेत्रफल डुबान भएको छ । बाँध भत्किएर खेतमा पसे पनि स्थानीय सरकारका कोही पनि प्रतिनिधि गाउँको अवस्था बुझ्न नआएको जिल्ला समन्वय समिति रुपन्देहीका निर्वतमान उपप्रमुख समेत रहेका स्थानीय पशुपति यादवले गुनासो गरे ।
उनले किसानको सयौँ बिघा जग्गा डुबानमा परे पनि विपद् ब्यवस्थापन समिति लगायतले लापरबाही गरेको आरोप लगाए । ुवडा अध्यक्ष नै पालिकाको विपद् व्यवस्थापन समितिको अध्यक्ष छन् । तर, अहिलेसम्म उनी पनि आएका छैनन्,ु यादवले भने ।
रोहिणी गाउँपालिका( ५ अन्तर्गत तरकुलहा गाउँ नजिक गत वर्ष पनि तुरिया खोला तट भत्काएर किसानको खेतमा पसेको थियो । गत वर्ष बाढीको कारण धान काट्न नपाएको उक्त क्षेत्रका किसानले हारगुहार गर्दै गाउँपालिकासमक्ष तटबन्धको लागि अनुरोध गरे । गाउँपालिकाले पनि तटबन्धको लागि १० लाख रुपैया छुट्टयाएको थियो । त्यसको लागि स्थानीय नन्दलाल यादवको अध्यक्षतामा उपभोक्ता समितिसमेत तयार भयो ।
उपभोक्ता समिति गठन भएर गाउँपालिकामा लागत अनुमान गराउन पुगेका नन्दलाललाई १० मिटर चौडाइको बाँध बनाउने गरी लागतअनुमान तयार भएको थियो । १० मिटर चौडाइको बाँध बनाउन स्थानीयले नदिएको कारण काम नै सुरु नै नगरी उपभोक्ता समितिको पदबाट राजीनामा दिएको यादवको भनाइ छ ।
लागत अनुमानको ठिकविपरीत करिब पाँच फिटको बाँध खोला छेउकै बलौटे माटो प्रयोग गरी पूर्वस्थानीय विकास राज्यमन्त्री घनश्याम यादवको नेतृत्वमा बनाइएको स्थानीयहरूको भनाइ छ ।
रोहिणी गाउँपालिकाको कार्यालयले उक्त योजनाको सम्झौता नै नगरिएको जानकारी दिए । पूरानो उपभोक्ता समितिले काम नगरेपछि वडा कार्यालयले आफैँ आफ्नै तरिकाले उपभोक्ता समिति गठन गरेर पालिकामा पठाएको थियो । सोहीअनुसार समितिले काम पनि गर्यो ।
रोहिणी गाउँपालिका अध्यक्ष विद्याप्रसाद यादवले अनुगमनको क्रममा गुणस्तरहीन काम गरेको भन्दै भुक्तानी नगरिएको बताए ।
गुणस्तरहिन कामको कारण नै भत्केको बाँधलाई प्रदेश र संघ सरकारको सहकार्यमा चाँडै मर्मत गरिने उनले जनाए ।
रोहिणी गाउँपालिका अध्यक्षले प्रभावकारी अनुगमन गरिएको भने पनि उक्त योजना कसरी सम्पन्न भयो रु कसले गर्यो रु र प्रभावित कृषकहरूको बारे भने पालिकाले अहिलेसम्म कुनै योजना बनाएको छैन ।
