काठमाडौं, साउन १३-
चितवन राष्ट्रिय निकुञ्जमा बाघको संख्या बढेको छ। निकुञ्जमा २०२२ अर्थात अहिलेको तथ्याङ्कमा बाघको संख्या १२८ पुगेको हो ।
अन्तर्राष्ट्रिय बाघ दिवसको अवसर पारेर आज ९शुक्रबार० प्रधानमन्त्री शेरबहादुर देउवाले चौथो राष्ट्रिय बाघ गणनाको नतिजा सार्वजनिक गरेका हुन् । सन् २०१८ को गणनामा चितवनमा बाघको संख्या ९३ थियो।
नयाँ तथ्यांक अनुसार देशभर बाघको संख्या ३ सय ५५ पुगेको छ । बाघको संख्या ३ सय ५५ पुगेसँगै नेपालले सन् २०२२ सम्ममा संख्या दोब्बर बनाउन गरेको सङ्कल्प पनि पूरा भएको छ । कुल बाघमध्ये सबैभन्दा धेरै चितवनमै रहेको पाइएको छ।
गत मंसिर १९ गते सुरु भएर फागुन २८ गते बाघ गणना सम्पन्न भएको थियो ।
त्यसैगरी बर्दिया राष्ट्रिय निकुञ्जमा १२५ बाघ पाइएका छन् । बाँकेमा २५, पर्सामा ४१, शुक्लाफाँटामा ३६ वटा बाघ पाइएका हुन् ।
बाघ गणनाका लागि चितवन(पर्सा, बाँके(बर्दिया र शुक्ला(लालझाडी(जोगबुढा गरेर तीन वटा कम्प्लेक्समा विभाजन गरेर गणना गरिएको थियो ।
बाघ गणनामा राष्ट्रिय निकुञ्ज तथा वन्यजन्तु संरक्षण विभागले टाइगर एन्ड प्रे बेस मोनिटरिङ प्रोटोकोल,२०१७ ले निर्दिष्ट गरे अनुसार क्यामेरा ट्रायापिङु र अकुपेन्सी सर्भे विधि अपनाएर गरेको थियो ।
नेपालले सन् २०१० मा रुस को सेन्ट पिटर्सवर्गमा बाघ पाइने देशहरूले दोब्बर बनाउने सङ्कल्प गर्दै महत्त्वपूर्ण निर्णय गरेका थिए । नेपालले यो लक्ष्य सन् २०१८को गणनामा झन्डै हासिल गरेको थियो ।
सन् २०१० नेपालमा १२१ बाघ थिए, सन् २०१३ को गणनामा १९८ पुगेको थियो भने सन् २०१८ मा बाघको संख्या २३५ पुगेका थिए । सन् २०१८ को गणनामा चितवनमा ९३, बर्दियामा ८७, बाँकेमा २१, पर्सामा १८ र शुक्लाफाँटामा १६ वटा बाघ पाइएको थियो ।
