चितवन, साउन ९-
हब कोअपरेटिभ सर्भिस लिमिटेडले आफ्नो पाँचौं शाखा भरतपुर–१० एयरपोर्ट गेट अगाड़ी आज देखी शुभारम्भ भएको छ ।
शाखाको भरतपुर वडा नम्वर १० का वडाध्यक्ष परमेश्वर खनालले रिबन काटेर उद्घाटन गर्नुभएको हो ।
कार्यक्रममा बोल्दै प्रमुख खनालले प्रविधिको उच्चतम प्रयोगसहित सेवा दिदैं सहकारी क्षेत्रमा आफ्नो छुटै पहिचान बनाउने गरी काम गर्न शुभकामना दिनुभएको थियो ।
शाखाका संयोजक सहकारी अभियन्ता-प्राज्ञिक ब्यक्तित्व भानुभक्त कंडेलको अध्यक्षतामा भएका कार्यक्रममा हब कोअपरेटिभ सर्भिसका अध्यक्ष सहकारी बिज्ञ दक्षप्रसाद पौडेल र चितवन जिल्ला बचत तथा ऋण सहकारी संघका अध्यक्ष हरिश्चन्द्र सूबेदी, नेफ्सकूनका पूर्व संचालक भरत दवाड़ी, जिल्ला बहुउद्धेश्यीय सहकारी संघका अध्यक्ष दिनेश चुके, जिल्ला बचत संघका संचालक, किशोर गुरुङ सहित बिभिन्न सहकारीका अध्यक्ष एवं प्रतिनिधि, ब्यवस्थापकहरुको उपस्थिती रहेको थियो ।
कार्यक्रममा हब कोअपरेटिभ सर्भिसका अध्यक्ष एवं सहकारी विज्ञ दक्षप्रसाद पौडेलले संस्थागत परिचय, दिर्घकालीन उद्धेश्य, लक्ष,सेवाप्रवाहका सम्बन्धमा प्रकाश पार्दै सहभागीहरुबाट आएका जिज्ञासाहरुका बारेमा प्रष्ट पार्नुभएको थियो । यस्तै, शाखा संयोजक भानुप्रसाद कंडेलले शाखाको गतिबिधि र कार्ययोजनाका सम्बन्धमा प्रकाश पार्नुभएको थियो ।
कार्यक्रमको संचालन सहकारी अभियन्ता, चनौली शीतभण्डार सहकारी संस्थाका अध्यक्ष एवं शाखाका सचिव सूर्यमणी पौडेल गर्नुभएको थियो ।
