– हिरालाल आचार्य ‘डायमण्ड’
चितवन, असार ८ –
नेपालको तेश्रो पर्यटकीय गन्तव्य चितवनमा होटल तथा हस्पिटालिटी क्षेत्रमा धेरैको लगानी छ । चितवनमा तारे होटलदेखि विदेशी पर्यटकका लागि लक्ष्ति सुविधा सम्पन्न होटलहरु समेत रहेका छन् ।
ती क्षेत्रका लागि दक्ष जनशक्ति उत्पादन गर्ने उद्देश्यले २०७५ सालमा खुलेको ‘आइएसएचएम’ चितवनले दक्षजनशक्ति उत्पादनमा ठूलो टेवा पु¥याएको छ ।
इन्टरनेशन स्कुल अफ होटेल म्यानेजमेन्ट ‘आइएसएचएम’ चितवनले पाक कला (कुलिनरी आर्टस) मा व्यावसायिक डिप्लोमा र होटल व्यवस्थापनमा व्यावसायिक डिप्लोमाका कक्षाहरु सञ्चालन गर्दै आइरहेकोे छ । साथै होटलमा काम गरिरहेका जनशक्तिलाई थप काम सिक्न परे निश्चित काम सिकाउनका लागि पनि आइएसएचएमले भर्ना लिने गरेको छ ।
आइएसएचएमले अहिलेसम्म १५० जना दक्ष जनशक्ति उत्पादन गरिसकेको छ । ‘आइएसएचएम’ बाट उत्पादित जनशक्ति चितवनका ठूलठूला होटलदेखि विदेशका होटलहरुसम्म पुगेका छन् ।
आइएसएचएमका प्रिन्सिपल दिपक अधिकारीका अनुसार आइएसएचएमबाट उत्पादित जनशक्ति चितवनका ठूला होटल सिराइचुली, बराही जंगल लज मेघौली, कविलास रिर्साेट, होटल ग्लोबल, भरतपुर गार्डेन रिर्सोट, फण्ड रेसिडेन्सीलगायतका होटलहरुमा पुगेका छन् । साथै विदेशमा दुबई, बहराइन, कतार, थाइल्याण्ड, टर्की साथै युरोपियन देशहरुमा समेत पुगेका छन् ।
आइएसएचएममा अहिले भर्ना अवधि चलिरहेको छ । जनवरी/फेब्रुअरी, जुन/जुलाई, सेप्टेम्बर/डिसेम्बर मा आइएसएचएममा नयाँ भर्ना हुन पाइन्छ । एसइई र प्लस टु पास भएकाहरुले डिसिए र डिएचएममा पढ्न पाउँछन् । मलेसियाको इटीभीए (युरोपियन टेक्निकल एण्ड भोकेशनल एकेडमी) र नेपालको सिटीईभिटी (काउन्शिल फर टेक्निकल एजुकेशन एण्ड भोकेशनल ट्रेनिङ्) बाट मान्यता प्राप्त आइएसएचएमले यी दुबै कोर्षमा ६ महिना पढाई र ६ महिना प्राक्टिकल गराउने गर्दछ । प्राक्टिकल भनेको विभिन्न होटलहरुमा तालिमका लागि पठाउने गरिन्छ । आइएसएचएममा अन्तर्राष्ट्रिय स्तरका कक्षाहरु, अन्तर्राष्ट्रिय स्तरको किचन ल्याब रहेको छ । परीक्षा इटिभिएले लिने गर्दछ । यसका साथै छोटो अवधिका तालिमहरु पनि सञ्चालन हुँदै आएका छन् ।
होटल व्यवस्थापनमा डिप्लोमा गरेकाहरुले होटल र पर्यटन क्षेत्र, लज र गेस्टहाउसहरुमा पनि राम्रो क्यारियर बनाउन सक्ने प्रिन्सिपल अधिकारी बताउँछन् । विद्यालय, कारखाना, कम्पनी गेस्ट हाउस आदिमा क्यान्टिनको सुपरीवेक्षण गर्ने जस्ता संस्थागत व्यवस्थापन पनि जागिरको अवसर पाइने अधिकारीको भनाइ छ ।
यस्तै आइएसएचममा पढ्नेहरुले होटल र रेस्टुरेन्ट व्यवस्थापन, एयरलाइन खानपान र केबिन सेवाहरुमा, क्लब व्यवस्थापन, क्रूज जहाज होटल व्यवस्थापन, अस्पताल खानपान लगायतका क्षेत्रमा समेत काम गर्ने दक्षता हाँसिल गर्ने अधिकारीले बताए ।
आइएसएचएमको किचनमा विश्वभर पाइने विभिन्न परिकारका खानाका परिकार जस्तै चाइनिज, इण्डियन, कन्टिनेन्टल खानाका परिकार बनाउन सिकाइन्छ ।
पाक कला कोर्ष (विधा) मा किचन (भान्छा), फुड एण्ड वेभरेज सर्भिस (वेटर/वेटरेस) का कुराहरु सिकाइन्छ भने होटल व्यवस्थापन कोर्ष (विधा) मा फ्रन्ट अफिस, हाउस किपिङ्ग, किचन, सर्भिसका कामहरु सिकाइने प्रिन्सिपल अधिकारी बताउँछन् ।
यो क्षेत्र भनेको स्किल बेस (सीपमा आधारित) क्षेत्र भएकाले आफूहरुले प्राक्टिकल (प्रयोगात्मक) मा बढी जोड दिने गरेको उनको भनाइ छ । होटल तथा हस्पििटालिटी क्षेत्रमा भविष्य खोजिरहेका विद्यार्थीहरुलाई भरतपुरको ओरालोमा भाटभटेनी अगाडि रहेको आइएसएचममा आएर निःशुल्क परामर्श मात्रै भए पनि लिन अधिकारीले आग्रह गरेका छन् ।