पौष ४,काठमाडौँ ।
भैरहवाको खराब मौसमले हवाई उडान अवरुद्ध भएपछि राष्ट्रिय स्वतन्त्र पार्टीका सभापति रवि लामिछानेले वैकल्पिक यात्रा तय गरेका छन्। काठमाडौँबाट भैरहवाको जहाज नउडेपछि उनी चितवनको भरतपुरसम्म जहाजमार्फत र त्यसपछि रुपन्देहीसम्म गाडीबाट जाने भएका हुन्।
शुक्रबार बिहान त्रिभुवन अन्तर्राष्ट्रिय विमानस्थल पुगेका लामिछाने दिउँसो १ बजेसम्म उडान नहुँदा काठमाडौँमै रोकिएका थिए। उच्च अदालत बुटवल–तुलसीपुरले थुनाबाहिरै बसेर मुद्दा लड्न पाउने आदेश दिएपछि अदालत उपस्थित हुन उनी भैरहवा जान लागेको रास्वपाले जनाएको छ।
