चितवन, कार्तिक १–
नारायणगढ–मुग्लिन सडकखण्ड अन्तर्गत भरतपुर महानगरपालिका–२९ गाईघाटमा सवारी दुर्घटनामा परेका २१ जना घाइतेको पहिचान खुलेको छ । घाइते हुनेमा अधिकांश नवलपरासी वर्दघाट पुर्वका रहेका छन् । घाइतेमध्ये दुई जनाको अवस्था गम्भिर रहेको छ ।
जिल्ला प्रहरी कार्यालय चितवनका अनुसार आज बिहान ७ः१५ बजे सात सवारीसाधन एकअर्कासँग ठक्कर खाएका थिए । भरतपुर महानगरपालिका–२९ स्थित गाईघाटमा मुग्लिनबाट नारायणगढतर्फ आइरहेको ना ८ ख ६६२९ नम्बरको ट्रक र विपरीत दिशाबाट जाँदै गरेको बा ४ ख ७४२० नम्बरको बस ठोक्किएका थिए। त्यस बसको पछाडि लस्करै रहेका ना ७ ख ९६०७ नम्बरको टेलर, बा.प्र– ०६–००१ ग ०४८४ नम्बरको विद्युतीय माइक्रो, ग २ ख १६२६ नम्बरको बस, त्यसपछाडिको ना ३ च ३२५६ नम्बरको बलेरो र बिएबि ८४७० नम्बरको कार ठोक्किन पुगेको जिल्ला प्रहरी कार्यालय चितवनले जानकारी दिएको छ ।
घाइतेको उपचार भरतपुरका विभिन्न अस्पतालमा भइरहेको छ । अहिलेसम्म नेशनल सिटी अस्पतालमा १३ जना, नयाँ मेडिकल कलेज भरतपुरमा ४ जना, जनता केयर अस्पतालमा ४ जनाको उपचार भइरहेको प्रहरीले जानकारी दिएको छ । घाइत मध्ये दुई जनाको अवस्था गम्भिर रहेको प्रहरीले जानकारी दिएको छ । तनहुँको देवघाट गाउँपालिका ५ स्थित ५२ वर्षिय युवराज साखी, सोही ठाउँका सर्मिला साखी, अर्चना साखी, हेटौँडा उपमहानगरपालिका ७का अजय स्याङताङ रहेको छन् । यस्तै नवलपरासी (बर्दघाट सुस्ता पश्चिमका) ३२ वर्षिय प्रकाश पाण्डे, पवित्रा पाण्डे, सोही ठाउँका प्रज्ञा पाण्डे, आसुतोष पाण्डे, कलस पाण्डे, पुष्पा भण्डारी, चितवनको खैरहनी नगरपालिका–२की कृपा नेपाल, केदार नेपाल, काव्य नेपाल, जुना तामाङ, रत्ननगर नगरपालिकाकी सरु चेपाङ, इस्मिरिका राना मगर, काठमाडौँकी १८ वर्षिय कला दुर्लाकोटी रहेका छन् । उनीहरुको उपचार नेशिनल सिटि अस्पताल भरतपुरमा भइरहेको छ । उनीहरु मध्ये जुना र सरुको अवस्था गम्भिर रहेको प्रहरीले जानकारी दिएको छ ।
यस्तै नवलपरासी बा ४ ख ७४२० नं. को बसमा सवार नवलपरासी स्थित कावासोतीका श्रीराम रानाभाट, पार्वती रानाभाट, निशान रानाभाट, विपिन्सा रानाभाट घाइते भएका छन् । उनीहरुको उपचार जनता केयर अस्पताल मुग्लिङमा भइरहेको छ । सडक दुर्घंटना भएर अवरुद्ध भएको नारायणगढ–मुग्लिन सडकखण्ड अहिले पूर्ण रुपमा सञ्चालनमा आएको छ ।
