चितवन, असोज २५
जेनजी आन्दोलनमा आगजनी र लुटपाट गर्ने व्यक्तिहरुलाई तत्काल कारबाही गर्न माग गर्दै अखिल नेपाल राष्ट्रिय स्वतन्त्र विद्यार्थी युनियन (अनेरास्ववियु) चितवनले जिल्ला प्रशासन कार्यालय चितवनमा ज्ञापन पत्र बुझाएको छ ।
देशका विभिन्न स्थानहरुमा राष्ट्रिय सम्पदाहरु, सरकारी कार्यालय, पार्टी कार्यालय तथा सर्वसाधारण नागरिकका घर-धनमालमाथि आगजनी, तोडफोड, लुटपाट र सार्वजनिक सम्पति नष्ट गर्ने जस्ता गम्भीर गैरकानुनि कार्यहरु भएको भन्दै दोषीहरुलाई तत्काल कारबाही गर्न माग गर्दै अनेरास्ववियुले शुक्रबार ज्ञापनपत्र बुझाएको हो ।
साथै, उक्त पत्रलाई बेवास्था गरे चरणबद्ध आन्दोलनमा जाने अनेरास्ववियु चितवनका संयोजक अमित आचार्यले बताए ।
