चितवन, असार ८
कृषि तथा वन विज्ञान विश्वविद्यालय (एएफयू) चितवन, निरन्तर शिक्षाकेन्द्रको आयोजनामा एन्टिमाइक्रोवियल प्रतिरोध (एएमआर) र वनहेल्थ प्रर्वधनका विषयक दुई दिने तालिम सुरु भएको छ । सिएनआरएम कृषि कलेज पुरनचौकको सभाहलमा आजदेखी सुरु भएको हो ।
एडिबि जेनेक्स फाउण्डेशन र सथगुरुको सहयोगमा संचालित तालिमलाई क्याम्पस प्रमुख प्रा डा दुर्गा देवकोटाले उद्धाटन गरेकी थिइन् भने त्यस्तै, निरन्तर शिक्षा केन्द्रको निर्देशक तथा तालिम संयोजक प्रा. डा. ओम प्रकाश सिंहले स्वागत मन्तव्य दिदैँ तालिमको उपयोगिताबारे प्रकाश पारे ।
पशु स्वास्थ्य अधिकृत पुष्पराज अधिकारीले पशुपालन व्यवसायमा देखिने व्यवहारिक चुनौतीहरूको बारेमा प्रकाश पारेका थिए भने कास्की र स्याङजा तालिममा ५० जना पशु स्वास्थ्य प्राविधिकको सक्रिय सहभागिता रहेको छ । सहभागिहरुलाई पशु स्वास्थ्य, औषधीको सुरक्षित प्रयोग, सरसफाइ, रोग नियन्त्रण र वनहेल्थ अवधारणाबारे व्यवहारिक तालिम प्रदान गरिएको छ ।
तालिममा डाक्टर शेखर पोखरेल, डाक्टर रुपक के.सी, डाक्टर अमर चौधरी र डाक्टर शत्रुधन शाहले प्रशिक्षण दिए । उक्त तालिममा प्रतिनिधिहरुको सक्रिय सहभागीता रहेको थियो ।
