चितवन, चैत्र २३ –
नेपाली काँग्रस जिल्ला कार्यसमिति चितवन अन्तर्गत जिल्ला खेलकुद समन्वय विभाग गठन गर्दा एमालेको मान्छेको नाम हालेको भन्दै विरोध भएको छ ।
नेपाली काँग्रेस चितवनका सभापति राजेश्वर खनाल र खेलकुद समन्वय विभागका संयोजक किरण लामाले हस्ताक्षर गरी नेपाली काँग्रेस चितवनको लेटरप्याडमार्फत १५ सदस्यीय खेलकुद समन्वय विभाग गठन गरेको जानकारी चैत्र २० मा गराएका थिए । उक्त विभागमा सदस्यका रुपमा भरतपुर ६ निवासी प्रकाश भुजेलको नाम राखिएको छ ।
तर प्रकाश भुजलले भने आफूलाई सोध्दै नसोधि नाम राखिएको भन्दै विरोध जनाएका छन् । प्रकाश भुजेल नेकपा एमालेको राष्ट्रिय युवा संघ नेपाल, खेलकुद विभाग जिल्ला कमिटी चितवनका प्रमुख हुन् । यसरी अर्काे संगठनको खेलकुद विभाग प्रमुख रहेको व्यक्तिलाई नेपाली काँग्रेसले आफ्नो खेलकुद विभागको सदस्यमा राखेको भन्दै राष्ट्रिय युवा संघले विरोध जनाएको थियो ।
चैत्र २२ गते प्रकाश भुजेलले नै एक प्रेस वक्तव्य जारी गर्दै आफूलाई काँग्रेसको खेलकुद विभागमा राखिएको प्रति आपत्ति प्रकट गर्दै खण्डन गरेका छन् । उनले आफू नेकपा एमालेको युवा संघको खेलकुद विभागमा रहेको बताउँदै कुनै जानकारी बिना काँग्रेसले आफ्नो नाम राखेको भन्दै खेद प्रकट गरेका छन् । काँग्रस चितवनले आत्मालोचनासहित काँग्रेसको खेलकुद विभागबाट आफ्नो नाम तत्काल हटाउन भुजेलले माग गरेका छन् ।
हेरौं, काँग्रेसले गठन गरेको खेलकुद विभाग :
